KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

"Ç'na duhen kullat?" Veliaj: Sot në Tiranë s’ka më dhoma të lira hoteli

12 May 2022, 18:00Aktualitet SHKRUAR NGA REDAKSIA VOX
"Ç'na duhen kullat?" Veliaj: Sot në Tiranë
Erion Veliaj

Kreu i Bashkisë së Tiranës, Erion Veliaj ka deklaruar se sot se Tirana nuk ka dhoma hoteli (duke e lidhur me zhvillimin e finales së Conference League në Air Albania) dhe sipas tij, kjo është një përgjigje e duhur për të gjithë ata që mendojnë se për çfarë na duhen kullat në kryeqytet.

Gjatë mbledhjes së Këshillit Bashkiak, Veliaj e cilësoi finalen e Conference League si një ngjarje të jashtëzakonshme për qytetin, që do i shërbejë për mirë Tiranës. Sa i përket çmimeve të biletave, ai tha se ato nuk mund të kontrollohen dot, teksa bëri me dije dhe se Bashkia do të ofrojë transport falas për të gjithë tifozët nga Rinasi në Tiranë.

“Kemi një projektvendim për kalimin e një fondi që do të shërbejë për organizimin, transportin dhe dekorimin e qytetit, lidhur me finalen e Conference League, një ngjarje e jashtëzakonshme që i sjell shumë biznes qytetit. Ne nuk e kemi betejën vetëm me një personazh në FSHF, por me të gjithë histerinë kolektive që na kaplon kur duhet ta zhvillojmë këtë qytet. Ja ku erdhi dita që qyteti nuk ka më dhoma hoteli. Për të gjithë ata cinikë dhe skeptikë profesionistë, që thonë çfarë na duhen këto kullat, ja ku jemi sot! Tirana nuk ka më dhoma!

E keni vënë re që të njëjtat gazeta që thoshin se finalja do të shkojë në Athinë, janë po të njëjtët që shajnë. Shumica e tyre nuk e kuptojnë një gjë bazike: kur një hotel është futur në një shërbim global, siç është Booking.com, ndërtesa dhe hipoteka mund të jetë e jotja, por e drejta e hotelit për të dalë në treg i është dhënë algoritmit të aplikacionit, pra të agjencive turistike që bëjnë prenotimet. Kultura që ne shajmë veten tonë duhet të marrë fund. Janë të njëjtët këta që thonë po rritin çmimet. Pagesa që ne bëjmë për të sjellë 40 deri në 100 mijë vetë në Tiranë, në fakt është një përqindje shumë e vogël e pagesës që ata do të lënë në qytetin tonë. Prandaj, po e ofrojmë transportin me autobusë falas nga Rinasi në Tiranë. Pra, do t’i gëzohemi sa më shumë suksesit”, u shpreh Veliaj në mbledhjen e Këshillit Bashkiak.


Në përputhje me standarded JTI

Video

SHIKO KANALIN NE YOUTUBE
×