"I kam prindërit e varfër", mblidhen në kohë rekord paratë në ndihmë të Luis Meçjas

Shqiptarët janë sensibilizuar në masë të madhe menjëherë pasi i mituri Luis Meçja kërkoi ndihmë për mbledhjen e fondeve për kurimin e tij.

Vetëm në pak orë, në faqen e krijuar për të në GoFundMe, janë arritur të mlidhen plot 75 mijë euro, nga 80 mijë që është qëllimi i kësaj fushate.

I mituri tha se i nevojiten para për t’u kuruar dhe se familja e tij është në gjendje të vështirë ekonomike, çka duket se nxiti edhe reagimin e Spitalit të Traumës, që njoftoi po sot se Luisi nuk ka nevojë për t’u transferuar në spital jashtë shtetit dhe se gjendja e tij është e stabilizuar.

Luisi mbeti i plagosur pasi u qëllua të paktën 4 herë me thikë nga autori i dyshuar i vrasjes së shokut të tij, Martin Cani, një ngjarje që tronditi mbarë vendin.