Grupet pas zhdukjes së Martinajt, Hoxha: Organizata e re kriminale ka buxhet më të madh se Ministria e Brendshme
21 September 2022, 23:37AktualitetSHKRUAR NGA REDAKSIA VOX
Artan Hoxha dhe Ervis Martinaj
Gazetari investigativ, Artan Hoxha ka folur në emisionin “Pressing” në T7 për misterin e zhdukjes së Ervis Martinajt.
Ai tha së nëse autorët që fshihen pas zhdukjes së Martinajt nuk zbulohen, atëherë mostra e re që do të dalë pas kësaj historie do të jetë më e rrezikshme se organizata e Ervis Martinajt.
Hoxha tha se strukturat kriminale që fshihen pas zhdukjes së Ervis Martinajt do të mbizotërojnë në dekadën e ardhshme në Shqipëri .
Gazetari investigative tha se këto struktura kanë buxhet më të madh së sa Ministria e Brendshme dhe se kanë mjete logjistike më të mira se sa Policia e Shtetit.
“Kjo strukturë do të mbizotërojë në dekadën e ardhshme në Shqipëri, kanë një buxhet më të madh se sa Ministria e Brendshme, kanë mjete logjistike më të mira se sa policia e shtetit. Nëse nuk zbulohen autorët e saj. Mostra e re që del nga kjo histori është shumë më e rrezikshme dhe më e fuqishme se organizata e Ervis Martinajt”, tha Hoxha.
