ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Deklaratat e Berishës dhe lajmet për Olldashin, KLGJ: Po intimidohen dhe kërcënohen gjyqtarët

22 November 2023, 17:45Aktualitet SHKRUAR NGA REDAKSIA VOX
Deklaratat e Berishës dhe lajmet për Olldashin, KLGJ: Po intimidohen
Poli i Drejtësisë / KLGJ

Deklaratat e rënda të ish-kryeministrit Sali Berisha ndaj gjyqtarëve dhe prokurorëve të SPAK, si dhe shkrimet në media për gjyqtaren Iliriana Olldashi, kanë nxitur reagimin e Këshillit të Lartë Gjyqësor.

KLGJ ka ngritur sot alarmin se po tentohet intimidimi, kërcënimi dhe ndikimi i paligjshëm te gjyqtarët përmes këtyre deklaratave dhe shkrimeve në media.

Kujtojmë se Berisha i ka sulmuar ashpër prokurorët dhe gjyqtarët e SPAK dhe GJKKO, duke i quajtur ndër të tjera edhe si “bandë kriminale”. Ndërsa sot në media qarkulluan disa lajme për gjyqtaren Iliriana Olldashi, e cila dha vendimin për ndryshimin e masës nga arrest me burg në arrest shtëpie për Jamarbër Malltezin. Sipas lajmeve, ajo është në konflikt interesi pasi ka blerë një apartament te pallatet e Malltezit në ish-kompleksin Partizani, në vitin 2015.

Reagimi i plotë i KLGJ:

Këshilli i Lartë Gjyqësor, si organ i ngarkuar nga Kushtetuta për të garantuar pavarësinë, përgjegjshmërinë dhe mbarëvajtjen e pushtetit gjyqësor, ka ndjekur me vëmendje zhvillimet e fundit sa i përket deklaratave nga persona publik dhe disa shkrimeve të publikuara në media, të cilat në përmbajtjen e tyre cënojnë rëndë figurën dhe dinjitetin e gjyqtarëve pranë gjykatave të posaçme për korrupsionin dhe krimin e organizuar.

Këshilli vëren me keqardhje se këto publikime reflektojnë vetëm disa shembuj të sulmeve mediatike, të pajustifikuara ndaj gjyqtarëve të Republikës së Shqipërisë, si dhe përbëjnë sulm ndaj gjyqtarëve për shkak të detyrës, duke synuar intimidimin, kërcënimin dhe ndikimin e paligjshëm të tyre nëpërmjet përndjekjes mediatike.

Njëkohësisht, Këshilli i Lartë Gjyqësor vlerëson se këto qëndrime jo vetëm që ndikojnë negativisht në besimin e publikut ndaj pushtetit gjyqësor por edhe krijojnë imazhin e gabuar mbi veprimtarinë e gjyqtarëve gjatë ushtrimit të detyrës me synimin për t’i detyruar ata të japin vendime në kundërshtim me parimet e pavarësisë dhe paanësisë.

Këshilli i Lartë Gjyqësor fton të gjithë aktorët të respektojnë gjyqtarët dhe impenjimin e tyre në forcimin e shtetit të së drejtës, pasi dhënia e drejtësisë duhet të jetë e çliruar nga çdo lloj ndikimi apo ndërhyrjeje nga subjektet publike apo private.

Në respektim të dispozitave ligjore në fuqi, sjellim në vëmendje se mjeti ligjor për të kundërshtuar një vendim gjyqësor është ankimi në një gjykatë më të lartë.


Në përputhje me standarded JTI

Video

SHIKO KANALIN NE YOUTUBE
×