ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Merr fund telenovela Jashari, Milan arrin marrëveshjen me Club Brugge

5 August 2025, 16:01Sport SHKRUAR NGA REDAKSIA VOX
Merr fund telenovela Jashari, Milan arrin marrëveshjen me Club Brugge
Ardon Jashari

Për më tepër se 30 ditë me radhë Milan ka vijuar tratativat me Club Brugge për Ardon Jasharin e më në fund ka ardhur zgjidhja, me lojtarin që ka marrë dritën jeshile për t’iu bashkuar 7 herë fituesve të Champions League.

Takimi i fundit mes palëve ka qenë produktiv, ku drejtuesit e klubit belg kanë vendosur ta lënë të lirë mesfushorin që të transferohet në San Siro, ndërsa ky i fundit ishte kthyer edhe në seancat stërvitore.

Mes dy skuadrave është arritur akordi për vlerën e 38 milionë eurove në total që shkojnë në arkat e Club Brugge.

Jashari do të firmosë një kontratë 5-vjeçare me djallin, ndërsa në orët në vijim pritet të bëhet dhe zyrtarizimi i këtij transferimi. U desh një kohë e gjatë për të zbutur drejtuesit e Club Brugge e çuar në dakordësinë mes tyre.

Ishte vetë drejtori sportiv Igli Tare, ai i cili shprehu dëshirën për të afruar Jasharin dhe mori konfirmimin e drejtuesve.

Skema e kuqezinjve pritet të pësojë disa ndryshime me afrimin e Jasharit, pasi Milani mund të aplikojë dhe një 3-4-3, ku shqiptari të vendoset përkrah Luka Modriç e Loftus Cheek, megjithëse ende gjërat janë të paqarta, deri sa gjithçka të jetë zyrtare.


Në përputhje me standarded JTI

Video

SHIKO KANALIN NE YOUTUBE
×