Cristiano Ronaldo shënon gol për të 24-tin vit radhazi

Al Nassr fitoi të enjte 3-1 kundër Al Okhdood për raundin e 14-të në elitën e futbollit të Arabisë Saudite.

Një nga tre golat e vendasve u shënua nga Cristiano Ronaldo, me portugezin që vendos një rekord të ri duke shënuar për sezonin e 24-t radhazi në karrierë.

Nga viti 2002 kur CR7 ka nisur futbollin si profesionist, ai shënon çdo vit dhe të enjte gjeti golin e parë për vitin 2025. Në minutën e 42 ai nuk gaboi nga penalltia për të përmbysur rezultatin në 2-1 dhe hapur rrugën e të tijve drejt fitores.