ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

“Taksë për prodhuesit e energjisë”, Rama: Të ardhurat do të shkojnë për pensionistët dhe familjet në nevojë

18 October 2022, 17:45Politikë SHKRUAR NGA REDAKSIA VOX
“Taksë për prodhuesit e energjisë”, Rama: Të
Rama

Kryeministri Edi Rama ka paralajmëruar edhe njëherë vendosjen e një takse “të jashtëzakonshme” për prodhuesit e energjisë elektrike.

Duke folur nga Përmeti gjatë një takimi me qytetarët, Rama nuk i bëri me dije detajet e kësaj takse, por shtoi se të ardhurat që do të përfitohen prej saj, do të shkojnë në formën e ndihmave për pensionistët dhe familjet në nevojë.

Kryeministri Rama tha ndër të tjera se qeveria do të vijojë me rritjen e pagës minimale, por nuk dha asnjë afat se kur mund të realizohet.

"Kemi hyrë në një nivel tjetër të kontekstit rajonal sepse me riadaptimin e TEC-it të Vlorës, përfshirjen e kompanisë amerikane me investimin për të lidhur tubacionin me atë të TAP-it, marrim një tjetër fuqi në vitet që vijnë. Kjo pjesa e energjisë elektrike duket si muhabet për kuriozitet pasi kur nuk ekziston si fakt në faturë, thonë që nuk është gjë. Por është një shpenzim shumë i madh. Jemi duke diskutuar për vendosjen e një takse të jashtëzakonshme për prodhuesit e energjisë.

Duke ndjekur direktivën europiane, do vendosim një taksë të jashtëzakonshme. Jo për të marrë një shumë të konsiderueshme fondesh në të ardhurat e shtetit dhe për t’i përdorur për asgjë tjetër përveçse për t’ua kthyer njerëzve në formën e mbështetjes financiare duke nisur nga pensionistët dhe familjet në nevojë. Në këtë përballje kaq të madhe, në këtë lloj monster, ne duam deri në fund të jemi solidarë.

I gjithë ai volum të ardhurash nga taksa e jashtzakonshme do kthehet në mbështetje sociale dhe të rezistencës së këtij populli ndaj inflacionit të luftës. Nga ana tjetër do bëjmë çmos rritjen e pagave ta vazhdojmë në mënyrë të qëndrueshme. Ta vazhdojmë për të vazhduar të stimulojmë sa më shumë jo vetëm njerëzit që punojnë në sektorin publik, por edhe atë privat. Do e rrisim përsëri pagën minimale në mënyrë që dhe sektori privat të bashkohet."- tha Rama.


Në përputhje me standarded JTI

Video

SHIKO KANALIN NE YOUTUBE
×