ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

E akuzojnë si shërbëtor të Ramës, ambasadori i BE takon deputetët e PD

15 April 2026, 19:15Politikë SHKRUAR NGA REDAKSIA VOX

E akuzojnë si shërbëtor të Ramës, ambasadori i BE takon

Ambasadori i Delegacionit të Bashkimit Europian, Silvio Gonzato, me anë të një postimi në platformën “X” bëri me dije se organizoi “një diskutim të hapur midis ambasadorëve të shteteve anëtare të BE-së në Shqipëri dhe Jorida Tabakut dhe Oerd Bylykbashit nga Partia Demokratike.

“Sot në Delegacionin e BE-së prita një diskutim të hapur midis ambasadorëve të shteteve anëtare të BE-së në Shqipëri dhe znj. Jorida Tabaku dhe z. Oerd Bylykbashi nga Partia Demokratike. Shkëmbyem pikëpamje mbi reformat kryesore, siç janë Reforma Zgjedhore dhe Territoriale, si dhe mbi pjesëmarrjen demokratike në procesin e integrimit të Shqipërisë në BE.

Një proces legjislativ transparent dhe gjithëpërfshirës në Parlament përmes angazhimit aktiv dhe konstruktiv nga të gjitha grupet parlamentare dhe konsultimeve kuptimplote me përfaqësuesit e shoqërisë civile është thelbësor që Shqipëria të miratojë reforma të qëndrueshme në dobi të qytetarëve të saj”, lexohet në postimin e Gonzatos.

Kujtojmë që Gonzato është sulmuar disa herë publikisht nga Sali Berisha dhe drejtues të tjerë të PD, se i shërben kryeministrit Edi Rama.


Në përputhje me standarded JTI

Video

SHIKO KANALIN NE YOUTUBE
×