KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

"Do rikthejmë të përjashtuarit nga Basha", Astrit Patozi refuzon ftesën e Sali Berishës

28 April 2022, 09:32Politikë SHKRUAR NGA REDAKSIA VOX
"Do rikthejmë të përjashtuarit nga Basha", Astrit
Berisha bëri të ditur se mund të rikthehet Jozefina Topalli, Arben Imami, Astrit Patozi, Rudina Hajdari dhe Majlinda Bregu.

Sali Berisha ka deklaruar, mbrëmjen e djeshme për mediat pas mbledhjes së Komisionit të Rithemelimit të Partisë Demokratike se figurat e njohura politike të cilat janë larguar në 8 vitet e fundit nga selia blu janë të mirëpritur të rikthehen në parti.

Berisha bëri të ditur se mund të rikthehet Jozefina Topalli, Arben Imami, Astrit Patozi, Rudina Hajdari dhe Majlinda Bregu. Ditën e sotme me anë të një postimi në facebook Astrit Patozi i ka kthyer Berishës përgjigje refuzuese për tu rikthyer në Partinë Demokrati. Ish-krahu i djathtë i Berishës shkruan se: unë nuk jam në kërkim të ndonjë partie. Ai shton më tej se janë katandisur si mos më keq nga drejtimi i gabuar për një kohë të gjatë dhe të pandërprerë.

Postimi i Astrit Patozit:

FALEMINDERIT, POR NUK JAM NË KËRKIM...
Meqë më paska dalë emri mbrëmë dhe media është shprehur shumë e interesuar, e gjeta të udhës të jap një përgjigje të shkurtër.

Faleminderit që na kujtojnë ende, por unë nuk jam në kërkim të ndonjë partie. Aq më pak të atij lloji, që janë katandisur si mos më keq nga drejtimi i gabuar për një kohë të gjatë dhe të pandërprerë.

Ndihem shumë rehat sot me jetën dhe lirinë time, ndërkohë që për asnjë çast në këtë botë nuk kam menduar se politikë bëhet vetëm brenda një partie dhe vetëm rrotull një udhëheqësi legjendar dhe të pagabueshëm.

Por meqë ftesa verbale për "dasëm" qenka bërë pas mesit të natës, kujtoj se e njëjta gjë ka ndodhur edhe 5 vjet më parë, kur na larguan. Natyrisht, pa votë dhe pa mbledhje forumesh politike. Të paktën, orën mund ta kishin ndërruar. Se në dorë vetë e kishin, si atëherë edhe tani.


Në përputhje me standarded JTI

Video

SHIKO KANALIN NE YOUTUBE
×