MALLËNGJYESE/ Ministrja ia dorëzon me mirënjohje Urdhrin e teto Ollgës Të Gjatit

 Kliko këtu për të tjera
Voxpress:

Përdori gjuhë fyese dhe kërcënuese, Grupi i PD-së kërkon përjashtimin me 10 ditë të Taulant Ballës nga Kuvendi!

7 Nëntor 2025, 13:12Politikë SHKRUAR NGA REDAKSIA VOX

Grupi Parlamentar i Partisë Demokratike i ka kërkuar Sekretariatit të Etikës përjashtimin me 10 ditë nga punimet e Kuvendit të deputetit Taulant Balla.

Në seancën e datës 6 nëntor, Taulant Balla ka përdorur gjuhë fyese dhe kërcënuese ndaj deputetëve të opozitës.

Në seancën e datës 06.11.2025, në shkelje të plotë të etikës dhe gjuhës parlamentare, gjatë diskutimit të tij në foltoren e Kuvendit, Kryetari i Grupit Parlamentar të Partisë Socialiste Taulant Balla, ndërkohë që fliste për miratimin e kalendarit dhe programit të punës së Kuvendit, ndërmori një sulm me fyerje dhe gjuhë joparlamentare drejtuar deputetëve të opozitës.

Gjuha joparlamentare dhe fyese, që përfshinë fjalë "lehni", "rraca e këtyre", "ta tregoj unë ty", "gënjeshtar", etj., gjatë fjalës për kalendarin dhe programin, është shkelje disiplinore sipas nenit 65/1, pika 1, shkronja "a".

Kjo sjellje e deputetit Taulant Balla është e përsëritur seancë pas seance, dhe mbetet në cdo rast i pa ndëshkuar. Fyerja dhe kërcënimi ndaj deputetëve të opozitës është i papranueshëm dhe duhet të shoqërohet me masën disiplinore përjashtimin me 10 ditë nga seanca plenare dhe komisionet parlamentare" thuhet në kërkesën e PD-së.

Prova për përdorimin e gjuhës jo parlamentare, fyese dhe kërcënuese, gjenden në faqen zyratre të Kuvendit, në facebook, gjatë fjalës së deputetit Taulant Balla, lidhur me programin dhe kalendarin e punimeve të Kuvendit.

Për të gjitha sa më lart, në mbështetje të nenit 65/1, pika 1, shkronja "a", PD kërkon:

- Mbledhjen e Sekretariatit për Procedurat, Votimet dhe Etikën për shqyrtimin brenda afatit të kësaj kërkese.
- Marrjen e masës disiplinore "Përjashtim nga pjesëmarrja në komisione dhe/ose në seancë plenare për 10 ditë" ndaj deputetit Taulant Balla.


Në përputhje me standarded JTI

Video

SHIKO KANALIN NE YOUTUBE
×