Balla në varrimin e Bunjakut: Dha jetën në krye të detyrës

25 Shtator 2023, 18:38Politikë SHKRUAR NGA REDAKSIA VOX
Ministrat e Brendshëm Taulant Balla dhe Xhelal Sveçla

Ministri i Brendshëm Taulant Balla ishte i pranishëm sot në varrimin e Afrim Bunjakut, policit shqiptar të vrarë në veri të Kosovës gjatë sulmit terrorist të një grupi të serbëve.

Balla ka ndarë në rrjetet sociale pamjet nga ceremonia mortore në fshatin Samadregj të Vushtrisë.

“Përulje dhe nderim për efektivin e Policisë së Kosovës, Afrim Bunjaku, i cili dha jetën në krye të detyrës

Samadregj, Vushtri, KOSOVA”, shkruan Balla në rrjetet sociale.

Në ceremoninë mortore të Heroit të Kosovës, Bunjakut, kanë marrë pjesë personalitete të larta, përfshi kryeministrin Albin Kurti, ministrin e Brendshëm Xhelal Sveçla dhe ambasadori amerikan në Proshtinë, Jeffrey M. Hovenier.

Video