METAMORFOZA / “Më ndihmo në këtë orë të ligë o Gjigant”: I Gjati bëhet fetar, i lutet portretit të vet në mur!

 Kliko këtu për të tjera
Voxpress:

Përplasje në Reformën Zgjedhore, Gjiknuri akuzon opozitën për bojkot, Bylykbashi: PS shmang rekomandimet e ODIHR

9 Nëntor 2026, 13:55Politikë SHKRUAR NGA REDAKSIA VOX
Përplasje në Reformën Zgjedhore, Gjiknuri akuzon opozitën
Damian Gjiknuri dhe Oerd Bylykbashi

Përplasjet mes mazhorancës dhe opozitës janë rikthyer në Komisionin për Reformën Zgjedhore, ku bashkëkryetarët Damian Gjiknuri dhe Oerd Bylykbashi kanë shkëmbyer akuza për ecurinë e procesit.

Gjiknuri paralajmëroi se bojkoti i opozitës po rrezikon punën e Komisionit, ndërsa kërkoi që palët të ulen në tryezë për të gjetur zgjidhje konkrete. Ai theksoi se mazhoranca i ka të gatshme propozimet për administratën zgjedhore dhe pret diskutime teknike për sistemin.

Nga ana tjetër, Bylykbashi akuzoi Partinë Socialiste se po shmang çështjet kryesore të rekomanduara nga OSBE/ODIHR dhe po konsumon kohën me tema që nuk janë prioritare. Për opozitën, reforma duhet të nisë me ndarjen e shtetit nga procesi zgjedhor, në mënyrë që të garantohet konkurrencë e barabartë mes partive.

Bylykbashi ritheksoi gjithashtu kërkesën për lista 100% të hapura, si për zgjedhjet parlamentare, ashtu edhe për këshillat bashkiakë.

Damian Gjiknuri: Ligji është i plotë. Ju keni pikëpamje tjetër dhe nuk keni një propozim konkret. Po rrezikohet ecuria e Komisionit. Nuk duhet përdorur integrimi europian në një tekë. Duhet të gjejmë zgjidhje. Megjithëse mazhoranca i ka 84 mandate, sërish ka pritur mendimin e opozitës. Komisioni po bllokohet për shkak të bojkotit të opozitës. Ne kemi gati paketat, qoftë për administratën zgjedhore të paanshme. Ne presim çështje teknike për sistemin. Nëse duamn të bëjmë ndryshime tek Zgjedhorja, le të diskutojmë për shkurtim të numrit të deputetëve. Ligji zgjedhor është ligj shumë i mirë, qoftë dhe me ndryshimet imediate. Unë e kuptoj strategjinë, nisur dhe nga sfondi i ngjarjeve. Jo çdo propozim i juaji do të thotë se miratohet, por kalon nga opinioni i ODIHR-i.

Oerd Bylykbashi: Ka një mungesë të hapur të përgjegjësisë së PS-së për të trajtuar çështjet kryesore që ka Komisioni i Reformës, që dmth të trajtojë çështjet e ngritura nga OSBE ODIHR.

Komisioni konsumon kohën, duke u marrë me çështje, që nuk janë prioritet. Ligji për financimin e partive politike është çështja e fundit që shqetëson Komisionin. Duhet të ndajmë shtetin nga partia dhe të mos hedhin paratë e shtetit në fushata. Pas këtyre, mund të flitet më pas për financimin e partive politike, pasi janë të ndërthurrura. Ne propozojmë një paketë, që ndan shtetin nga procesi zgjedhor.

Duam lista të hapura 100 përqind. Duhet listë e hapur 100 përqind edhe për Këshillin Bashkiak. Deri tani për propozimet tona kemi vetëm “Jo”. Nëse ka normalitet, do keni propozimin tonë. PS ka bllokuar miratimin e Kodit Zgjedhor, derisa të kalonte edhe teka e fundit e Partisë Socialiste. Këtë trashëgimi ka lënë PS-ja në politikën shqiptare. Ne kemi gati paketën për ndarjen e shtetit nga zgjedhjet. Pa të nuk ka zgjedhje të barabarta, të lira dhe të ndershme.


Në përputhje me standarded JTI

Video

SHIKO KANALIN NE YOUTUBE
×