KRONIKË NË ASFALT/ Shkëlqimi dhe rënia e Bella B.

 Kliko këtu për të tjera
Voxpress:

Të frymëzuar nga xhihadistët / Arrestohen tre të rinj në Belgjikë, planifikuan të godisnin me dron kamikaz kryeministrin!

9 Tetor 2025, 20:45Kosova&Bota SHKRUAR NGA REDAKSIA VOX
Policia Belgjikë

Policia në Belgjikë ka arrestuar tre persona për planifikimin e një sulmi të frymëzuar nga xhihadistët duke përdorur eksplozivë të montuar në dronë, ku ndër politikanët e shënjestruar do të ishte dhe kryeministri belg.

Arrestimet u bënë në qytetin verior të Antverpit si pjesë e një hetimi për "tentativë vrasjeje terroriste dhe pjesëmarrje në aktivitetet e një grupi terrorist", tha prokurorja federale Ann Fransen në një konferencë për shtyp.

"Elemente të caktuara tregojnë se të dyshuarit kishin për qëllim të kryenin një sulm terrorist të frymëzuar nga xhihadistët kundër figurave politike", tha Fransen. "Ka gjithashtu indikacione se të dyshuarit kishin për qëllim të ndërtonin një dron të aftë për të mbajtur një ngarkesë", shtoi ajo.

Zyra e prokurorit nuk pranoi të emëronte objektivat e synuar, por disa media flamande raportuan se ato përfshinin kryeministrin, Bart De Wever, i cili më parë ishte kryetar i bashkisë së Antverpit.

"Kryeministër Bart, e gjithë mbështetja jonë shkon për ju dhe familjen tuaj. Faleminderit shërbimeve të sigurisë", tha ministri i mbrojtjes, Theo Francken, në mediat sociale.

Sipas raportimeve, policia kontrolloi një banesë vetëm disa qindra metra larg shtëpisë së De Wever në qytet.

"Gjatë një kontrolli në shtëpinë e një të dyshuari, u gjet një pajisje e improvizuar - potencialisht shpërthyese, por ende jo funksionale - së bashku me një qese që përmbante fishekë metalikë", tha Fransen.

Në shtëpinë e një të dyshuari të dytë, policia zbuloi një printer 3D "që besohet se ishte menduar për prodhimin e komponentëve të dobishëm në kryerjen e një sulmi", shtoi ajo.

Të dyshuarit kanë lindur në vitet 2001, 2002 dhe 2007.

Dy prej tyre po merreshin në pyetje nga policia federale dhe do të paraqiteshin para një gjykatësi hetues të premten. I dyshuari i tretë u lirua.


Në përputhje me standarded JTI

Video

SHIKO KANALIN NE YOUTUBE
×