ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Çmim Nobel për Kurtin dhe Vuçiçin nëse ka marrëveshje? I dërguari i BE: Do të kualifikoheshin, s’kam dilema

24 August 2022, 23:36Kosova&Bota SHKRUAR NGA REDAKSIA VOX
Çmim Nobel për Kurtin dhe Vuçiçin nëse ka
Kurti, Lajçak dhe Vuçiç

Nëse do të arrihej një marrëveshje përfundimtare mes Kosovës dhe Serbisë, duke i dhënë fund armiqësive shumëvjeçare, kryeministri kosovar Albin Kurti dhe presidenti serb Aleksandër Vuçiç, do të mund të kualifikoheshin për Çmimin Nobel për Paqe.

Kështu ka thënë i dërguari i posaçëm i BE-së për dialogun, Miroslav Lajçak në një intervistë për BBC-në në edicionin serbisht. Sipas tij, ai vetë nuk ka asnjë dilemë për këtë gjë.

“Normalizimi i marrëdhënieve sigurisht që do t’i kualifikonte dy liderët për çmimin Nobel, nuk kam asnjë dyshim për këtë”, është shprehur ndërmjetësuesi i Bashkimit Evropian. BBC shkruan se e njëjta gjë shpresohej edhe në vitin 2018, kur negocionin ish-presidenti Hashim Thaçi dhe Vuçiç në Bruksel.

Ishte përfaqësuesja e Lartë e BE-së, Federica Mogherini, ajo që kishte spekuluar se Thaçi e Vuçiç mund të merrnin Çminin Nobel për Paqe në rast të një marrëvëshjeje të suksesshme.

Përpjekjet për marrëveshje përfundimtare vazhdojnë edhe tani, pas 4 viteve, mirëpo siç shkruan BBC, shumë gjëra kanë ndryshuar tashmë përveç rolit të Vuçiçit: bisedimet për ndryshimin e kufijve dhe shkëmbimin e territoreve mes Kosovës e Serbisë janë hedhur poshtë, Hashim Thaçi mbahet në paraburgim nga Gjykata Speciale, Federica Mogherini është larg dialogut dhe administrata Trump në SHBA ka rënë nga pushteti


Në përputhje me standarded JTI

Video

SHIKO KANALIN NE YOUTUBE
×