JUSTIFIKIMI/ I Gjati i shpjegon të shoqes pse u puth dhe u nduk me amerikanen: Shiko, kjo ndodh në gjithë botën…

 Kliko këtu për të tjera
Voxpress:

E paprecedentë/ Nga arratia Ermal Beqiri fiton tenderin 2.6 mln euro nga KLGJ (Vendime gjykate dhe KPP-je)

17 Shkurt 2026, 23:28Investigim SHKRUAR NGA REDAKSIA VOX
Gerond Meçe, Ermal Beqiri dhe ne sfond godina e KLGJ

Qeveria e gjyqësorit duket se ka ndërhyrë në punët e brendshme të Prokurorisë së Posaçme, duke i firmosur një tender të majmë kompanive të Ermal Beqirit, i akuzuar për grup të strukturuar kriminal, në kuadër të tenderave të AKSHI-t. Këshilli i Lartë Gjyqësor ka shpallur ditët e fundit kompanitë Soft Solution dhe Horizon, të dyja në pronësi të Beqirit, fituese të një procedure të majme, me vlerë plot 2.6 milionë euro.

Më shumë sesa vlera, ajo çka hedh hije të forta dyshimi, janë kompanitë fituese, në pronësi të Beqirit. Në një kohë që çështja është nën hetim, madje janë dhënë edhe masa të forta sigurie, ku ndaj Beqirit është në fuqi masa e arrestit me burg, por s’është ekzekutuar, ky institucion e shpall në mënyrë të beftë fituese. Skandali thellohet më tej për shkak se asnjë prej institucione ligjzbatuese, apo nga ata që bëjnë apo kontrollojnë tendera s’i ka përjashtuar kompanitë e Beqirit.

Nëse kreu i saj ka abuzuar rëndë me fondet e shtetit, ka krijuar pasuri, a nuk duhej të merreshin masa? Duket se, skandalet në këtë vendin tonë të vogël zgjasin vetëm disa ditë, ku përpos hetimeve për grup kriminal, apo për krijimin e një rrjeti të gjerë zhvatjeje, një individ vijon të marrë para publike, pa i hyrë “gjemb në këmbë”.

Vox News ka analizuar vendimin e fituesit të shpallur nga KLGJ, i cili thotë se tenderi është hapur në verën e vitit të kaluar, kohë në të cilën Beqiri kishte një “luftë” të hapur me Meçen, Sinanin apo edhe zv.drejtorin e AKSHI-t, Daniel Shimën.

E paprecedentë/ Nga arratia Ermal Beqiri fiton tenderin 2.6 mln euro nga

E paprecedentë/ Nga arratia Ermal Beqiri fiton tenderin 2.6 mln euro nga
Faksimile: Vendimi i shpalljes së fituesit të tenderit të majmë nga KLGj

Sipas dokumenteve që disponon redaksia jonë, ky tender ka kaluar edhe në Komisionin e Prokurimit Publik apo edhe në Gjykatën Administrative të Apelit, me vendime herë në favor të Beqirit dhe herë në favor të Gerond Meçes dhe Sokol Sinanit. Në fund, KLG-ja ka marrë vendimin, për t’ia dhënë tenderin Beqirit.

Por, cilët “mundi” në këtë procedurë?!

Sipas dokumenteve, tenderi është shpallur në verën e vitit 2025 nga KLG-ja dhe kishte si objekt të kontratës “sistem ENTERPRICE SERVICE BUS (ESB)”, me një kohëzgjatje 3 vjeçare. Pra, firma e Beqirit do të vijojë të punojë edhe për 3 vite, pavarësisht se çfarë i ndodh pronarit të saj!

Në tender mori pjesë kompania ABS e “viktimës” Gerond Meçe, e cila u fut bashkë me kompaninë Data Log të Sokol Sinanit. Meçe dhe nëna e tij e moshuar, që ka tashmë aksionet, do të bënin vetëm 30 % të “punimeve” dhe pjesën tjetër firma e Sinanit, në vlerën e 70 %. Këto kompani ofruan 256 milionë lekë të rinj.

Ndërkohë, në tender bëri ofertë BOE Soft Solution dhe Horizon, të dyja në pronësi të Ermal Beqirit. Këto firma ofruan 253 milionë lekë. Në tender u fut formalisht edhe firma “1 iCom”, por pa ofertë.

E paprecedentë/ Nga arratia Ermal Beqiri fiton tenderin 2.6 mln euro nga

E paprecedentë/ Nga arratia Ermal Beqiri fiton tenderin 2.6 mln euro nga
Faksimile: KLGj thotë se çështja shkoi në KPP dhe në Gjykatën Administrative të Apelit

Por, çështja ka shkuar edhe në Komisionin e Prokurimit Publik, ose siç njihet si “apeli” i tenderëve. Ky komision, me vendimin me numër 1937 të datës 30 dhjetor 2025, vendosi të mos pranojë ankesën e Meçes dhe Sinanit.

Pretendimet e tyre se, oferta ishte shumë e ulët dhe fituesi s’ka kapacitete, nuk u pranua nga KPP. Më pas, Gjykata Administrative e Apelit, ka marrë një vendim më datë 13 janar 2026 duke vendosur “masën e sigurimit të padisë, duke urdhëruar, pezullimin e efekteve juridike të vendimit të KPP-së si dhe ndalimin e lidhjes dhe ekzekutimit të kontratës që buron nga procedura e prokurimit, deri në dhënien e një vendimi të formës së prerë të çështjes së themelit”.

Pavarësisht këtij vendimi, KLGJ ka vendosur që t’i shpallë fitues kompanitë e Ermal Beqirit. Deri më tani, ose të paktën në këtë vendim të gjykatës, nuk ka informacion nëse është marrë një vendim i formës së prerë. Megjithatë, edhe nëse është marrë, duket se një i kërkuar, me masë sigurimi arrest me burg, i akuzuar për grup të strukturuar kriminal, ka arritur që të fitojë një super tender, me një afat të gjatë. Madje, tenderin e ka fituar nga vetë “qeveria” e gjyqësorit!

©Copyright Vox News

Ky artikull është ekskluziv i Vox News, gëzon të drejtën e autorësisë sipas Ligjit Nr. 35/2016, "Për të drejtat e autorit dhe të drejtat e lidhura me to". Shkrimi mund të ripublikohet nga mediat e tjera vetëm duke cituar Vox News dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016

Galeria fotografike (
)


Në përputhje me standarded JTI

Video

SHIKO KANALIN NE YOUTUBE
×