Teorema e Pitagorës ishte zbuluar nga babilonasit 1000 vjet përpara se Pitagora të lindte

Për shumë prej nesh, fjalët e thjeshta "teorema e Pitagorës" janë të mjaftueshme për të na ringjallur kujtimet e shkollës së fillores, teksa në mendje na vijnë fletoret, lapsat e vizoret.

Por një zbulim i fundit tregon se teorema e famshme që i është atribuuar filozofit të famshëm helen,  a2 + b2 = c2, rezulton se ka qenë përdorur 1000 vjet para se ai të lindte.

Arkeologët kanë gjetur ekuacionin në një pllakë babilonase, e cila është përdor për mësim në vitin 1770 pes – shumë kohë para lindjes së Pitagorës.

Një tjetër tabletë e mëparshme, midis viteve 1800 dhe 1600 para Krishtit, madje përmban një katror me trekëndësha të vizatuar brenda.

Përkthimet e shenjave, të cilat ndiqnin sistemin bazë të numërimit 60 të përdorur nga babilonasit e lashtë, vërtetojnë se këta matematikanë ishin të njohur me teoremën e Pitagorës (edhe pse, padyshim, ata nuk e quanin kështu) si dhe me parime të tjera të avancuara matematikore.

Në një punim kushtuar zbulimit, shkencëtari i të dhënave Bruce Ratner shkroi se "Përfundimi është i pashmangshëm. Babilonasit e dinin lidhjen midis gjatësisë së diagonales së një katrori dhe anës së tij: d=rrënja katrore e 2”.

“Ky ishte ndoshta numri i parë i njohur si irracional. Megjithatë, kjo nga ana tjetër do të thotë se ata ishin të njohur me Teoremën e Pitagorës - ose, të paktën, me rastin e saj të veçantë për diagonalen e një katrori [...] më shumë se një mijë vjet para të urtit të madh emrin e të cilit mori teorema”, thotë Ratner.

Një pllakë (majtas) daton nga viti 1800–1600 para Krishtit dhe tregon një katror të anuar dhe dy diagonalet e tij, të shoqëruar nga shenjat

E megjithatë, një problem kyç mbetet i pazgjidhur: pse ekuacioni u barazua me filozofin helen?

Epo, ka shumë të ngjarë sepse Pitagora donte të ishte kështu.

Në punimin e tij, Ratner thekson se megjithëse Pitagora konsiderohet gjerësisht matematikani i parë bonafide, dihet pak për arritjet e tij specifike matematikore.

Ndryshe nga pasardhësit e tij, ai nuk shkroi asnjë libër për të cilin ne dimë, kështu që nuk ka asnjë provë të shkruar për punën e tij.

Megjithatë, ne kemi prova se ai themeloi një shkollë gjysmë-fetare të quajtur Gjysmërrethi i Pitagorës, e cila ndiqte një kod të rreptë të fshehtësisë.

Siç shpjegoi Ratner “njohuria e Pitagorës u transmetua nga një brez në tjetrin me gojë, pasi materiali i shkrimit ishte i pakët. Për më tepër, nga respekti për udhëheqësin e tyre, shumë nga zbulimet e bëra nga pitagorianët i atribuoheshin vetë Pitagorës”.

“Rrjedhimisht, për veprën aktuale të Pitagorës nuk dihet asgjë. Nga ana tjetër, shkolla e tij praktikonte kolektivizëm, duke e bërë të vështirë dallimin midis punës së Pitagorës dhe asaj të ndjekësve të tij. Prandaj, zbulimi i vërtetë i një rezultati të veçantë Pitagorian nuk mund të dihet kurrë”, përfundon Ratner.