Rama takon Aliev: Gazifikimi i Shqipërisë me investim të Azerbajxhanit do të nisë me një bashki të përcaktuar nga TAP

15 Nëntor 2022, 18:20Biznes SHKRUAR NGA REDAKSIA VOX
Rama me Aliev

Projekti i gazifikimit në Shqipëri do të nisë nga një bashki që do të përcaktohet nga pikëkontaktet me TAP-in. Kështu ka deklaruar kryeministri Edi Rama, duke zbardhur në Facebook takimin me presidentin e Azerbajxhanit, Ilham Aliev.

Sipas kreut të qeverisë, ndërtimi i një rafinerie ultramoderne, do t’i japë fund edhe varësisë së vendit tonë nga nafta e importit.

“Me Presidentin e Azerbajxhanit, mikun e dashur Ilham Aliev, patëm sot një bashkëbisedim si gjithmonë shumë miqësor, por edhe vërtetë të dobishëm për projekte të përbashkëta në fushën e energjisë, që nga nisja e programit të gazifikimit me investim të Azerbajxhanit, i cili do të nisë me një bashki që do të përcaktohet në një nga pikëkontaktet me TAP-in deri tek vendosja e piketave konkrete, për ndërtimin e një rafinerie ultramoderne, e cila do t’i japë fund edhe varësisë së vendit tonë nga nafta e importit”, shkruan Rama.

Presidenti i Azerbajxhanit Ilham Aliev u takua sot edhe me presidentin Bajram Begaj, ku u theksua nevoja për gazifikimin e vendit.

Video