Grupi 4iG, investitori i kompanisë One Albania nënshkruan blerjen historike të Vodafone Hungarisë

9 Janar 2023, 19:58Biznes SHKRUAR NGA REDAKSIA VOX
GRUPI 4iG

Fakte kryesore:

- Antenna Hungária Zrt., një prej filialeve të 4iG Nyrt., Corvinus International Investment Zrt. (‘Corvinus’) që përfaqëson shtetin hungarez dhe Vodafone Europe BV kanë nënshkruar sot marrëveshjen e detyrueshme të shitjes dhe blerjes së 100% të aksioneve në Vodafone Magyarország Zrt. ("Vodafone Hungari" referuar si "Objekti").

- Mbyllja financiare e transaksionit pritet të bëhet në 31 janar me blerje e 51% të aksioneve indirekte kontrollues nga 4iG Nyrt. Dhe blerjen e  49% të aksioneve indirekte nga shteti hungarez të Vodafone Hungaria, kompania e dytë më e madhe e telekomunikacionit në tregun hungarez.

- Transaksioni që do të ndikojë në riformatimin e tregut do t’i mundësojë 4iG Group të forcojë rolin si një operator me shërbime gjithëpërfshirëse në të gjitha fushat e tregut.

Më 9 janar 2023, palët kanë nënshkruar marrëveshjen e shitblerjes, e cila do të përfundojë me sukses me blerjen e kompanisë Vodafone Hungary. Pas analizës së të dhënave (due diligence)  mbi kompaninë e targetuar, 4iG Group dhe Corvinus ranë dakord me Vodafone Europe BV për kushtet e transaksionit. Palët dakordësuan për një vlerë të kompanisë prej 660 miliardë HUF(1.7 miliardë EUR), e cila është 7.1 herë EBITDA e kompanisë së synuar për vitin financiar që përfundon më 31 mars 2022. Sipas kushteve të marrëveshjes, 4iG, si një investitor me përvojë, do të blejë 51 për qind të aksioneve kontrolluese në Vodafone Hungari nëpërmjet filialit të saj Antenna Hungária, ndërsa shteti hungarez do të blejë  49 për qind të aksioneve indirekte. Transaksioni pritet të mbyllet më 31 janar, pas kryerjes së pagesës. J.P. Morgan SE, një nga bankat më të mëdha të investimeve në botë, ndihmoi në përgatitjen dhe përmbylljen e financimit dhe veproi si këshilltar financiar i 4iG. Këshilltarët ndërkombëtarë si: CMS Cameron McKenna Nabarro Olswang, EY Hungary, Deloitte, Omnitele dhe konsulenti i strategjisë globale Arthur D. Little u përfshinë në analizën e të dhënave (due diligence) të kompanisë së targetuar, në përgatitjen dhe zhvillimin e aspekteve ligjore, të vlerësimit dhe aspektet teknike të transaksionin.

Transaksioni i shpallur në Bursën e Budapestit ka një rëndësi të veçantë në historinë e telekomunikacionit hungarez në aspekte të ndryshme. Përveçse është një nga blerjet më të mëdha për sa i përket volumit që nga ndryshimi i regjimit, grupi kombëtar i krijuar nga bashkimi i portofoleve të telekomunikacionit fiks dhe celular të 4iG Group dhe Vodafone Hungary do të rihapë tregun në shumë fusha shërbimi dhe do të forcojë rolin e tij, duke ofruar shërbime gjithëpërfshirëse të telekomunikacionit.

“Blerja e Vodafone Hungary hap një kapitull të ri në tregun hungarez të telekomunikacionit. Është grupi i parë i info-komunikimit në pothuajse tridhjetë vite që mund të operojë si një operator me shërbime gjithëpërfshirëse me shumicë hungareze”, - tha Gellért Jászai, Presidenti i 4iG Nyrt. “Bashkëpunimi strategjik mes shtetit hungarez dhe 4iG në këtë transaksion jo vetëm që do të transformojëtregun, por edhe do të përmirësojë konkurrencën dhe do të përshpejtojë transformimin digjital të ekonomisë”, theksoi Presidenti i Grupit.

Sipas sondazhit të vitit 2022 të Umlaut, Vodafone është rrjeti kryesor celular në Hungari për sa i përket besueshmërisë së shërbimeve zanore dhe të dhënave me 800,000 klientë të linjës fikse dhe 3 milionë klientë të shërbimeve celulare. Me kryerjen e këtij transaksioni, 4iG dhe shteti hungarez do të blejnë frekuencat celulare të Vodafone Hungarisë, pajisjet aktive të transmetimit të radios, antenat dhe kabllot aktivë, një pjesë të kabinave të jashtme, si dhe rrjetin uplink dhe optik që i shërben kullave. Blerja e Vodafone Hungary gjithashtu mund të riformësojë ndjeshëm balancën e fuqisë së tregut në Hungari, dhe zgjidhjet më të fundit dhe teknologjitë inovative do t'i mundësojnë Grupit 4iG të luajë një rol udhëheqës në transformimin digjital të ekonomisë hungareze.

Pas mbylljes së transaksionit, portofoli i kombinuar i 4iG Group (DigiMobil) dhe Vodafone do të jetë i dyti më i madh në tregun e shërbimeve zanore dhe internetit në celular, i cili është gjeneruesi më i madh i të ardhurave. Për shkak të blerjes 4iG siguron pozicionin e liderit të tregut në shërbimet e internetit me linjë fikse, si dhe do të bëhet lider edhe në tregun e transmetimeve televizive. Sipas llogaritjeve paraprake, kompanitë e telekomit në pronësi të grupit 4iG do të kenë një total prej 7.6 milionë RGU (njësi gjeneruese të të ardhurave) në Hungari pas mbylljes së blerjes.

4iG Group ka blerë vitin e kaluar operatorët fiks dhe celularë, ALBtelecom dhe ONE Telecommunications në Shqipëri, të cilët u bashkuan ligjërisht nga 1 janari, duke u bërë një operator kryesor telekomunikacioni. Gjithashtu 4iG është i pranishëm në rajon në Mal të Zi me operatorin celular One Crna Gora. Drejtuesit e Grupit 4iG kanë shprehur interesimin e tyre për zgjerim të mëtejshëm në rajonin e Ballkanit Perëndimor.

Video