KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Bordi i Twitter po vlerëson ofertën e Elon Musk

25 April 2022, 20:08Biznes SHKRUAR NGA REDAKSIA VOX

Bordi i Twitter po vlerëson ofertën e Elon Musk

Bordi i Twitter thuhet se u takua me Elon Musk gjatë fundjavës për të eksploruar ofertën e tij për blerjen e platformës së mediave sociale prej 43 miliardë dollarësh.

Pasi shefi i Tesla-s zbuloi fillimisht ofertën e tij, menaxhmenti i Twitter njoftoi një strategji të ashtuquajtur "pilula helmuese" për të shmangur mundësinë që Musk të siguronte shumicën e aksioneve.

Musk planifikon të financojë ofertën e tij me mbështetjen e huadhënësit amerikan Morgan Stanley dhe institucioneve të tjera financiare.

Një zëdhënës i Twitter nuk pranoi të komentojë mbi raportet.

Detajet se si Musk synonte të financonte ofertën e tij, të cilat iu zbuluan rregullatorëve amerikanë të enjten, bënë që bordi 11 anëtarësh i Twitter të konsideronte seriozisht një marrëveshje të mundshme, sipas Reuters, New York Times dhe Bloomberg - duke cituar burime anonime.

Musk, i cili zotëron më shumë se 9 për qind të aksioneve në Twitter, ka përgatitur një paketë financimi prej 46.5 miliardë dollarësh për ofertën e tij, sipas një dosjeje rregullatore.

Financimi do të vijë nga një përzierje e aseteve të tij dhe mbështetjen e gjigantit bankar të Wall Street Morgan Stanley dhe firmave të tjera.

Një numër aksionerësh të Twitter thuhet se kontaktuan kompaninë pasi Musk njoftoi planin e financimit dhe i kërkoi asaj të mos humbiste mundësinë për një marrëveshje të mundshme.


Në përputhje me standarded JTI

Video

SHIKO KANALIN NE YOUTUBE
×