ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

FMN u kërkon Tatimeve që të fshijnë 70 mln euro borxh: Është i paarkëtueshëm

23 April 2022, 15:27Biznes SHKRUAR NGA REDAKSIA VOX

FMN u kërkon Tatimeve që të fshijnë 70 mln euro borxh:

Fondi Monetar Ndërkombëtar nuk beson se administrata tatimore në Shqipëri do të jetë në gjendje që të mbledhë një pjesë të mirë të borxhit të akumuluar ndër vite, ndaj i sugjeron fshirjen e tij.

FMN ka publikuar një raport me rekomandime drejtuar Tatimeve shqiptare, pas një periudhe konsulencash të zhvilluara në fillim të vitit të kaluar, të thirrur në atë kohë nga ish-drejtorja e Tatimeve, Delina Ibrahimaj.

Në raport thuhet se niveli në rritje i detyrimeve të prapambetura tatimore duhet të stabilizohet dhe të ulet, të zgjerohet skema e përdorimit të pagesës së kësteve tatimore dhe duhet të zgjidhet çështja e borxhit të arkëtueshëm.

Sipas raportit, deri në shtator 2020, numri i tatimpaguesve që kishin detyrime të prapambetura ishte 171 mijë nga të cilët 96 mijë janë aktivë dhe stoku total i borxhit ishte 122 miliardë lekë prej të cilit 83 miliardë lek (70 mln euro) e kanë bizneset jo aktive. FMN thotë se ekziston një nevojë kritike për të shlyer borxhin e paarkëtueshëm kur është joekonomike të ndiqet, ose nuk mund të rikuperohet ligjërisht.

Rekomandimi tjetër thotë se Drejtoria e Tatimeve duhet të ketë më shumë autonomi dhe fleksibilitet në në përzgjedhjen e stafit, shpërndarjen e punës dhe ndryshimet organizative, pa pasur gjithmonë nevojë për miratimin e ministrit. Niveli i aftësive dhe kompetencave teknike në të gjithë fuqinë punëtore duhet të përmirësohet sidomos në fushat e kontrollit tatimor, analitikës së të dhënave, zbatimit të borxhit tatimor, funksioneve të Zyrës së Tatimpaguesve të Mëdhenj dhe interpretimit të ligjit tatimor.

Gjithashtu, FMN kërkon që rimbursimi i tatimit mbi vlerën e shtuar për bizneset të kryhet pa kushte paraprake, të përmirësohet administrata tatimore në drejtim të pavarësisë dhe përzgjedhjes së stafit dhe të menaxhohen më mirë grupet kryesore të rrezikut.

 


Në përputhje me standarded JTI

Video

SHIKO KANALIN NE YOUTUBE
×