Zjarri përfshin ullishtet dhe kosheret me bletë në Selenicë të Vlorës

Një vatër e madhe zjarri ka shpërthyer në fshatin Penkovë të Selenicës, ku janë nga flakët sipërfaqe toke të mbjella me ullinj.

Banorët thonë se zjarri ka përfshirë edhe disa koshere me bletë, duke shkaktuar dëme të shumta ekonomike te bletërritësit e zonës.

Për shkak të terrenit malor ndërhyrja e mjeteve zjarrfikëse është e vështirë, ndaj zjarrfikësit, së bashku me banorët e zonës po punojnë për shuarjen e flakëve me mjete rrethanore.

Zjarri në këtë zonë ka vijuar gjatë gjithë ditës së sotme, ndërsa vijon të mbetet i paditur shkaku i rënies së flakëve.