Plagoset rëndë i riu në Pogradec, e zuri muri teksa po kryente punime në banesë

10 Korrik 2024, 17:59Aktualitet SHKRUAR NGA REDAKSIA VOX
Foto ilustruese

Një ngjarje e rëndë është regjistruar këtë të mërkurë në Pogradec.

Sipas informacioneve paraprake nga policia 27-vjeçari është plagosur gjatë kryerjes së punimeve në një banesë.

Ai është transportuar në spital dhe aktualisht është në reanimacion ndërkohë policia po punon për zbardhjen e rrethanave të ngjarjes.

Paraprakisht dyshohet se i ka rënë një pjesë muri duke e plagosur.

"Mesditën e sotme, në lagjen nr. 1, Pogradec, shtetasi A. Xh., 27 vjeç, dyshohet se aksidentalisht është rrëzuar gjatë punës për rikonstruksionin e një banese dhe si pasojë është dëmtuar.

Aktualisht po merr mjekim, në spital. Grupi hetimor po punon për të sqaruar rrethanat e rastit", njofton Policia.

Video