Përse djali i tij vrau gruan? Babai i Naim Murselit: Liridona mund të ketë ditur ndonjë sekret

5 Dhjetor 2023, 22:49Aktualitet SHKRUAR NGA REDAKSIA VOX
Shaban Murseli

Babai i Naim Murselit, Shaban Murseli, ka folur për krimin e rëndë që bëri i biri i tij, i cili akuzohet se ka organizuar vrasjen e gruas së tij Liridona Ademaj.

Në një intervistë për gazetaren  Blerta Dalloshi Berisha, dhënë për emisionin Opinion, thotë se nuk beson që krimi i rëndë të ketë ndodhur për çështje borxhi.

Ai dyshon që Liridona mund të ketë ditur ndonjë sekret.

Pyetje: Sa i përket financave është në borxhe?

Shaban Murseli: Unë nuk e di të ketë borxhe, e ka patur një presion, por prej kujt nuk e di.

Pyetje: Mund të jetë ndonjë sekret?

Shaban Murseli: Mund të jetë ndonjë sekret dhe është dasht me e eleminu.

Pyetje: Është përmendur si shkak që mund të jetë biseksualizmi për të cilin ka patur informacion Liridona.

Shaban Murseli: Sa i përket gjinisë mashkullore, tregoj të vërtetën, është ndoshta keq me thënë, i ka urrejt.

Pyetje: Po fëmijët, i kërkojnë prindërit?

Shaban Murseli: Po mbrëmë kanë filluar, i kërkojnë dy persona nga dajat.

Pyetje: Keni komunikuar me ta?

Shaban Murseli: Është gjendje e tensionuar, të vetmin komunikim e kam pas, ja dërgova një mesazh kisha dëshirë me marr pjesë në rivarrim, por mora përgjigje negative.

Pyetje: A kanë patur ndonjë herë telashe?

Shaban Murseli: Kurrë në jetën time, as më ka thënë Liridona, as Naimi që kanë patur mosmarrëveshje.

Video