“Nuk është shtyrje drejt vetëvrasjes”, ish-prokurori Beci: Altin Çoku rrezikon burg përjetë

Ish-prokurori i Krimeve të Rënda, Eugen Beci thotë se Altin Çoku, “Tik-Tok”-eri që dyshohet se shtyu drejt vetëvrasjes 27-vjeçaren, rrezikon burg të përjetshëm.

Kjo, sipas prokurorit Beci, nëse ai ngarkohet me veprën penale të duhur, që sipas tij nuk është “shtyrje drejt vetëvrasjes”, por vepra penale “shtrëngim me anë të kanosjes”.

“Shtrëngimi me anë të kanosjes kjo është vepra penale më e afërt. Kjo pasi vepra penale shtyrje drejt vetëvrasjes lidhet me familjarët dhe njerëz të tjerë më të afërt.

Shtrëngimi drejt kanosjes është vepra më e afër që edhe provohet dhe dënohet me burgim të përjetshëm”, deklaroi Beci në emisionin “Open”.