ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

"Maskara, më vrave djalin"/ Lot dhe sherr në gjykatë për vrasjen e Santiago Malkos, nëna e viktimës shpërthen ndaj Blendi Tetas

28 October 2022, 15:17Aktualitet SHKRUAR NGA REDAKSIA VOX
"Maskara, më vrave djalin"/ Lot dhe sherr në gjykatë
Santiago Malko dhe Blendi Teta

Me debate të forta dhe lot nga ana e familjarëve të viktimës është shoqëruar seanca e sotme në Gjykatën e Posaçme për vrasjen e ish-policit Santiago Malko, "ushtar" i Ervis Martinaj, kundrejt të dyshuarëve Ilir Selmani dhe Elvis Gaci.

Në debat është përfshirë dhe  i dënuari me 25 vite burg për këtë ngjarje Blendi Teta, i cili dyshohet si informator. Gjithashtu në  sallë kanë qenë të pranishme mamaja dhe motra e Santiago Malkos.

Bukurie Malko iu drejtua Tetës me fjalët “maskara më vrave djalin”, situata u tensionua dhe u desh nderhyrja e gjyqtares Atalanta Zeqiri për të qetësuar situatën.

Pas legjitimimit të palëve, Blendit Teta theksoi para gjykatës se “nuk dëshiroj që të japë deklarime u qëndron atyre thënieve që kam dhënë në 19.7.2021 kur ka folur para gjykatës në procesin tim. Nuk dua që deklarimet të lexohen pa pranin e avokatit tim, sepse nuk duhet të merren për bazë ato deklarime të dhënë në drejtorin e policisë Tiranë sepse i kanë bërë siç u deshi qejfi. Po ashtu kam një kërkesë të merret në mbrojte gruaja ime dhe fëmijët e mi sepse janë kërcënuar vazhdimisht dhe po kërcënohen nga zonja dhe banda mbara saj”.

Kjo fjali e thënë nga Blendi Teta ka bërë që motra e Santiago Malkos të shpërthente në lot duke i kërkuar llogari për fëmijët e vëllait të saj të vdekur. Ajo u ngrit në këmbë duke bërtit dhe fyer Tetën çka bëri që policia e burgjeve ta nxirrte me forcë nga salla e gjyqit në mënyrë që të vijonte seanca normalisht. Prokuroria kërkoi që të lexohen deklarimet e dhëna në fazën paraprake por kërkesa u kundërshtua nga mbrojta e Ilir Selmanit.

Trupa gjykuese u tërhoq për vendim në dhomë këshillimi dhe vendosi të pranonte Kërkesën e Blendit Tetës për t'u larguar nga salla e gjyqit dhe të rrëzonte kërkesën e prokurorit për të lexuar thëniet e Blendi Tetës. Ilir Selamani nuk ishte i pranishëm në seancë ndërkohë që prokuroria kërkon në seancën e radhës që të merren deklarimet e tij në lidhje me këtë ngjarje.


Në përputhje me standarded JTI

Video

SHIKO KANALIN NE YOUTUBE
×