MASAKRUAN me thikë shqiptarin në Angli/ Gjykata shpall fajtorë 13 persona, disa dënohen me burgim të përjetshëm!

Trembëdhjetë anëtarë të një bande janë dënuar pasi një burrë u vra gjatë një grabitjeje.

Gjykata angleze ka dhënë vendimin për 13 anglezët e akuzuar për vrasjen me thikë të shqiptarit, raporton media angleze Kent. 

Ray Renda, 23 vjeç, nga Albany Road, Pilgrims Hatch, Brentëood, Essex u deklarua fajtor në Gjykatën e Kurorës Isleëorth për akuzat për vrasje dhe komplot për të kryer grabitje.

Të enjten, më 14 shtator, një juri i shpalli të gjithë fajtorë për komplot për grabitje. Xhovan Pepaj humbi jetën në dhjetor 2021 kur grupi tentoi të vidhte bimë kanabisi nga një pronë në Caley Road, Tunbridge Wells.

Pepaj sfidoi bandën kur ata mbërritën në pronë, por u godit me thikë për vdekje. Policia e Kentit u thirr në shtëpi dhe gjeti bimë kanabisi të hedhura përgjatë rrugës që të çon në shtëpi.
 
Kur mbërritën, kishte një portë metalike të mbyllur, nga dyshemeja në tavan, e cila fillimisht i pengoi oficerët të hynin në katin e sipërm të ndërtesës ku, Pepaj kishte mbetur me plagë të shumta me thikë.

Ekipet e zjarrfikësve arritën të ndihmonin për të hyrë dhe 25-vjeçari u deklarua i vdekur në vendngjarje. Aty pranë u gjet një thikë me gjak./Kent