ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

"Ja 5 qytetet 'bomba' me sahat”, Artan Hoxha: Çfarë ndodhi me krimin pas zhdukjes së Vis Martinajt

13 December 2022, 14:54Aktualitet SHKRUAR NGA REDAKSIA VOX
"Ja 5 qytetet 'bomba' me sahat”, Artan Hoxha:
Artan Hoxha dhe Vis Martinaj

Në Shqipëri, sipas gazetarit Artan Hoxha, ka dy periudha ku ka një rritje të madhe të intensitetit të krimeve në Shqipëri, Gushti dhe Dhjetori. Kjo sipas gazetarit vjen për shkak të ardhjes së emigrantëve dhe uljes së vigjilencës nga personat e përfshirë në krime, për shkak të festimeve.

Hoxha u ka bërë apel policisë që të rrisë masat për të mbrojtur qytetarët dhe për të parandaluar sa më shumë të jetë e mundur ngjarjet kriminale.

Mes të tjerash Hoxha u ndal edhe tek fati i Ervis Martinajt duke thënë se ai u rrëmbye dhe u zhduk dhe pas kësaj situate bota e krimit duket se ka rënë në një qetësi momentale.

Më tej, gazetari ka treguar 5 qytetet që sipas tij janë në një situatë kritike për sa i përket krimit të organizuar, të cilat janë, Shkodra, Fieri, Vlora, Elbasani dhe Durrësi.

Sipas Hoxhës edhe pse situata momentalisht duke se është e qetë, më problematike vijon të mbetet Shkodra që sipas tij bandat kanë ende hesape të pa mbyllura mes tyre.

“Kemi një qetësi të rreme para furtunës. Kemi Shkodrën, që nuk është situata aq e qetë sa duket. Se situata është e ngrirë dhe jo e zgjidhur. Janë disa konflikte aty. Policia dhe Prokuroria nuk ka reaguar. Vrasja e Bardhok Pllanës, Fatbardh Licit. Vrasja e xhaxhai dhe babai të Asmer Bilalit. Thjeshtë nuk dalin më aq haptazi në qytet por janë aty në pritje. Është e rrezikshme situata” tha Hoxha në Abc.

Durrësi sipas Hoxhës vijon të mbetet problematik për shkak të luftës për të kontrolluar portin ku hyjnë kryesisht ngarkesat e drogës.

“Durrësi kanë lëvizur ekuilibrat. Kanë dalë operatorë grupe të reja që kontrollojnë Durrësin. Nuk është aq e qetë situata. Fati i mirë është se krerët e grupeve janë jashtë, kryesisht në Dubai dhe nuk plasin konfliktet këtu” tha Hoxha.

Për sa i përket Elbasanit, Hoxha theksoi se konfliktet vijojnë, megjithëse duket sikur bandat kanë rënë në një qetësi.

Sa i përket Fierit, Artan Hoxha tha se situata nuk është aspak e qetë, që nga vrasja e Demir Baçkës. Sipas tij ata brenda në Fier e dinë se kush e ka bërë, ndërsa policia ende nuk ka një autor.

Edhe Vlora sipas, Hoxhës është një zonë e kuqe për shkak të ekuilibrave në botën e krimit që lëvizin në herë pas here.


Në përputhje me standarded JTI

Video

SHIKO KANALIN NE YOUTUBE
×