ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

I morën me dhunë aparatin dhe i fshinë fotot, policia nis hetimet për incidentin me fotoreporterin

25 May 2022, 17:02Aktualitet SHKRUAR NGA REDAKSIA VOX
I morën me dhunë aparatin dhe i fshinë fotot, policia nis hetimet
Gent Shkullaku

Policia e Shtetit ka reaguar pas incidentit të regjistruar mbrëmjen e djeshme me fotoreporterin dhe drejtuesin e LSA-së, Gent Shkullaku, ku ky i fundit pretendon se gjatë përplasjeve të dhunshme mbrëmjen e djeshme me tifozët, efektivët i kanë marrë me dhunë aparatin fotografik dhe e kanë detyruar të fshijë disa foto. 

Sipas njoftimit të dhënë për mediat, drejtori i Përgjithshëm i Policisë së Shtetit, Gledis Nano ka urdhëruar verifikimin e rrethanave të këtij incidenti dhe nëse do të rezultojë se ka patur tejkalim apo shkelje të procedurave standarde të punës nga punonjës policie, do të merren masat disiplinore përkatëse.

Reagim i Policisë së Shtetit

Lidhur me incidentin e ndodhur mbrëmjen e kaluar, me fotoreporterin Genti Shkullaku, Drejtori i Përgjithshëm i Policisë së Shtetit Gledis Nano ka urdhëruar verifikimin e rrethanave të këtij incidenti.

Një grup i posaçëm nga Drejtoria e Standardeve Profesionale dhe Departamenti për Sigurinë Publike po kryen të gjitha veprimet dhe nëse do të rezultojë se ka patur tejkalim apo shkelje të procedurave standarde të punës nga punonjës policie, do të merren masat disiplinore përkatëse.

Gjatë takimit të zhvilluar mesditën e djeshme, Drejtori i Përgjithshëm i Policisë së Shtetit u ka dhënë porosi të veçantë drejtuesve të strukturave policore të angazhuara me shërbim në Tiranë, për mbarëvajtjen e aktivitetit, që gazetarëve dhe reporterëve, vendas e të huaj, t’u krijohen të gjitha lehtësirat, me qëllim që ata të përmbushin misionin e tyre.

Policia e Shtetit kërkon mirëkuptimin e qytetarëve dhe të medias në veçanti, si dhe shpreh angazhimin për të përmbushur më së miri detyrimin për garantimin e rendit dhe sigurisë publike, në një event madhështor siç është finalja e sotme europiane e Conference League.


Në përputhje me standarded JTI

Video

SHIKO KANALIN NE YOUTUBE
×