ZBULIMI/ Një studim i Syçka TV konfirmon dyshimin e vjetër: Nuli nuk mbush!

 Kliko këtu për të tjera
Voxpress:

EMRAT/ Zbardhet përleshja e dhunshme në lokal, 10 të arrestuar, 2 të plagosur me thikë, një në kërkim!

1 Shtator 2025, 13:29Aktualitet SHKRUAR NGA REDAKSIA VOX

Policia e Korçës ka zbardhur konfliktin e dhunshëm ndodhur mbrëmjen e kaluar (31 gusht) në një lokal në lagjen nr.1, ku si pasojë e përdorimit të thikave dhe sendeve të forta, dy persona mbetën të plagosur.

Sipas hetimeve paraprake, konflikti ka nisur për motive të dobëta mes dy grupeve, dhe ka degjeneruar në një përplasje fizike masive me dëme materiale dhe plagosje. Gjatë konflikti personat kane perdorur edhe karrige apo shkopa bejsbolli.

Policia ka vënë në pranga 10 persona, të dyshuar si pjesëmarrës aktivë në ngjarje. Të arrestuarit janë:

1-Dritan Pino, 54 vjeç,  akuzohet për  “Vrasja me dashje” (mbetur në tentativë), “Plagosja e rëndë me dashje”, “Plagosja e lehtë me dashje”, “Shkatërrimi i pronës”, “Deklarimi i rremë”, “Prishja e qetësisë publike”, dhe “Mbajtja pa leje e armëve të ftohta”.
2-Petrika Ropi, 28 vjeç
3-Ilir Shukulli, 51 vjeç
4-Rafail Kocaqi, 21 vjeç
5-Salvi Asllan, 21 vjeç
6-Mihal Zhidro, 31 vjeç
7-Serxhio Mema, 25 vjeç
8-Gersi Dervishi, 37 vjeç
9-Sotiraq Shkurti, 31 vjeç
10-Kristi Lamçe, 29 vjeç

Të nëntë personat e fundit akuzohen për: “Plagosja e rëndë me dashje”, “Plagosja e lehtë me dashje”, “Shkatërrimi i pronës”, “Deklarimi i rremë” dhe “Prishja e qetësisë publike”.

Po ashtu, Policia ka shpallur në kërkim edhe një tjetër të dyshuar të përfshirë në konflikt, shtetasin E. K., 38 vjeç, banues në Korçë.

Ndërkohë, është proceduar penalisht edhe pronari i lokalit, R. I., 45 vjeç, për veprën penale “Punësimi i paligjshëm”, pasi nga verifikimet rezultoi se kishte punonjës të paregjistruar në organet kompetente.

Njoftimi i policisë:

Korçë/Zbardhet dinamika e konfliktit të ndodhur mbrëmjen e djeshme, në një lokal, ku mbetën të plagosur me mjet prerës (thikë), 2 shtetas.

Identifikohen dhe vihen në pranga 10 shtetasit që u konfliktuan me njëri-tjetrin, për motive të dobëta.

Shpallet në kërkim 1 shtetas tjetër i përfshirë në konflikt.

Procedohet penalisht pronari i lokalit ku ndodhi konflikti, pasi kishte punonjës të paregjistruar në organet kompetente.

Mbrëmjen e djeshme, menjëherë pas marrjes së njoftimit se në lagjen nr.1, Korçë, në ambientet e një lokali, po ndodhte një konflikt, shërbimet e Komisariatit të Policisë Korçë shkuan në vendngjarje, për të parandaluar përshkallëzimn e konfliktit. Si rezultat i veprimeve të shpejta hetimore dhe operacionale të kryera nga specialistët për Hetimin e Krimeve të Komisariatit të Policisë Korçë, u bë i mundur identifikimi dhe arrestimi i shtetasve të përfshirë në konflikt, konkretisht:

-D. P., 54 vjeç, banues në Korçë, për veprat penale “Vrasja me dashje”, mbetur në tentativë, “Plagosja e rëndë me dashje”, “Plagosja e lehtë me dashje”, “Shkatërrimi i pronës”, “Deklarimi i rremë para oficerëve të policisë gjyqësore”, “Prishja e qetësisë publike” dhe “Prodhimi, mbajtja, blerja apo shitja pa leje e armëve të ftohta”;

-P. R., 28 vjeç, I. Sh., 51 vjeç, R. K., 21 vjeç, S. A., 21 vjeç, M. Zh., 31 vjeç, S. M., 25 vjeç, G. D., 37 vjeç, S. Sh., 31 vjeç, dhe M. L. 29 vjeç, të gjithë banues në Korçë, për veprat penale “Plagosja e rëndë me dashje”, “Plagosja e lehtë me dashje”, “Shkatërrimi i pronës”, “Deklarimi i rremë para oficerëve të policisë gjyqësore” dhe “Prishja e qetësisë publike”.

Gjithashtu, u shpall në kërkim shtetasi E. K., 38 vjeç, banues në Korçë, i dyshuar i përfshirë në konflikt.

Këta shtetas janë konfliktuar fizikisht dhe me sende të forta me njëri-tjetrin, duke prishur qetësinë publike dhe duke shkaktuar dëme materiale në lokal. Gjatë veprimeve procedurale, ata kanë dhënë deklarata të rreme përpara punonjësve të Policisë.

Në vijim të veprimeve për rastin u referuan materialet në Prokurori ku nisi procedimi në gjendje të lirë për pronarin e lokalit ku ndodhi konflikti, shtetasin R. I., 45 vjeç, banues në Korçë, për veprën penale “Punësimi i paligjshëm”, pasi nga verifikimet rezultoi se kishte punonjës të paregjistruar në organet kompetente.

Materialet procedurale iu referuan Prokurorisë së Korçës, për veprime të mëtejshme.


Në përputhje me standarded JTI

Video

SHIKO KANALIN NE YOUTUBE
×