Detaje nga grabitja në ish-Bllok, taksisti po transportonte paratë e pikës së këmbimit valutor

Detaje të reja mësohen nga grabitja e një taksisti ditën e sotme në zonën e ish-Bllokut në Tiranë.

Dy autorët, ende të paidentifikuar, kanë arritur të marrin një shumë të konsiderueshme parash nga taksia, duke thyer xhamin e makinës.

Mësohet se taksisti ishte duke kryer rolin e transportuesit, dhe vetëm pak çaste më parë kishte marrë një shumë të konsiderueshme parash nga një pikë e këmbimit valutor për ta dërguar në bankë.

Në momentin që ka marrë paratë nga pika e exchange, dy persona janë afruar te makina, i kanë thyer xhamin e pasëm, kanë marrë shumë e parave dhe më pas janë larguar.

Policia thotë se po punon për identifikimin e dy personave.