ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

"Një grup vrasësish në Shqipëri kryenin vrasje për llogari të Kryeministrit", arrestohet “Fania i Beratit”, ish ushtari i Talo Çelës

8 May 2026, 12:06Aktualitet SHKRUAR NGA REDAKSIA VOX

"Një grup vrasësish në Shqipëri kryenin vrasje për

I kërkuari drejtësisë shqiptare Irfan Azizi në proces ekstradimi ka thyer lirinë me kusht dhe është arrestuar në Angli.

Sipas një dokumenti të gjykatës të ekstradimeve Westminster Magistrate Court parë nga gazetari i Top Channel Muhamed Veliu, më 26/04/2026 në zonën Somerset, Irfan Azizi është arrestuar prej një oficeri policie pasi u konstatua se kishte thyer lirinë me kusht dhënë nga gjykata duke mos u paraqitur për të firmosur në stacionin e policisë Taunton çdo të Martë e të Enjte.

Disa javë më parë siç raportonte Daily Mail Online, personazhi i njohur i botës së krimit në Berat, i njohur si “Fania”, tentoi  të bllokojë ekstradimin nga Britania e Madhe drejt Shqipërisë, duke pretenduar se jeta e tij është në rrezik nga një atentat i dytë i mundshëm i organizuar nga Talo Çela.

Irfan Azizi, i cili u paraqit në gjykatë, ku kundërshtoi ekstradimin, duke deklaruar se nëse kthehet në Shqipëri do të vritet.

Sipas dëshmisë së tij, në vitin 2020 ai i shpëtoi për pak një atentati, ku u qëllua rreth 30 herë me armë automatike. “Një plumb më shkatërroi dorën në 13 vende”, deklaroi ai para gjykatës britanike.

Azizi ngriti pretendimin se grupi kriminal që organizoi sulmin ka lidhje të forta dhe është i aftë të kryejë vrasje edhe për figura të larta, ndërsa shton se nuk ka marrë asnjë paralajmërim sepse “ata nuk paralajmërojnë, por veprojnë”.

"Këta njerëz kanë kryer vrasje për Kryeministrin me urdhër të tij dhe gjithashtu për Ministrin e Brendshëm. Unë kam prova. Ata nuk të paralajmërojnë kur do të të vrasin, thjesht vijnë për ty. Herën e parë kur erdhën të më qëllonin nuk më paralajmëruan apo kërcënuan më parë. Mund të shkoj dhe të jap dëshmi gjithashtu, por kam frikë për familjen time dhe bashkëshorten. Nëse shkoj në Shqipëri, ata do të më vrasin dhe, për të mos ndodhur kjo, do të më duhet t’i vras unë ata, dhe nuk dua të kryej asnjë krim duke u mbrojtur, u përgjigj Azizi.

Autoritetet shqiptare e kërkojnë për të vuajtur një dënim me një vit burg, ndërsa pasi kur ishte në paraburgim u zbulua se përdorte një telefon celular.

Gjatë seancës, ai bëri edhe deklarata të forta, duke pranuar se kishte paguar për të mbyllur çështje gjyqësore në Shqipëri, ndërsa këmbënguli se nuk dëshiron të kthehet për shkak të rrezikut për jetën e tij dhe familjes.

Nga ana tjetër, prokuroria britanike vuri në dyshim pretendimet e tij, duke theksuar se gjatë pesë viteve në Angli nuk ka pasur asnjë kërcënim konkret ndaj tij apo familjes.


Në përputhje me standarded JTI

Video

SHIKO KANALIN NE YOUTUBE
×