Një tjetër sukses për Lara Colturin, e treta në Kupën e Botës

Lara Colturi arriti një tjetër sukses në Kupën e Botës, duke u ngjitur në podium në Are të Suedisë.

Skiatorja e Shqipërisë ishte e jashtëzakonshme në garën e slalomit gjigand ku rendit e treta pas italianes Federica Brignone dhe neozelandezes Alice Robinson, më të mirat në këtë disiplinë.

“Nuk ishte një ditë e lehtë. Në zbritjen e dytë temperaturat e bëjnë më të vështirë pistën. U përpoqa të skijoja sa më lehtë dhe ia dola”, tha ajo.

18-vjeçarja pati stabilitet në të dy zbritjet. Për Colturi është podium i tretë sezonal pas vendeve të dyta në Austri dhe Slloveni.

Rezultati i arritur këtë të shtunë e ngjit Lara Colturi në vendin e katërt në klasifikimin e slalomit gjigand në këtë sezon të Kupës së Botës. Të dielën do të jetë radha e garës së slalomit po në Suedi.