Liverpool shkëlqen me “poker”, Chiesa gjen golin e parë

Liverpool siguroi kualifikimin për në fazën e 1/16-ve në FA Cup, pasi mposhti 4-0 skuadrën e Accrington.

“Poker” i të kuqve, që ishin dominues nga fillimi deri në fund. Diego Jota zhbllokoi rezultatin në minutën e 29-të, ndërsa Trent Alexander Arnold dyfishoi në minutën e 45-të.

Goli i tretë u shënua nga Danns në minutën e 76-të, ndërsa takimi u vulos nga Federico Chiesa në minutën e 90-të.

Sulmuesi italian shënoi golin e parë me fanellën e Liverpool, me të cilët u bashkua në verë nga Juventusi.

Liverpool tani është në pritje për të mësuar kundërshtarin në fazën tjetër të FA Cup.