KRONIKË NË ASFALT/ Shkëlqimi dhe rënia e Bella B.

 Kliko këtu për të tjera
Voxpress:

Zbardhet projekt-vendimi: Komisioni “antikorrupsion” do funksionojë për 10 muaj, me 6 anëtarë nga PS dhe 5 nga opozita

29 Maj 2024, 16:47Politikë SHKRUAR NGA REDAKSIA VOX
Kryesia e Kuvendit

Ditën e nesërme në Kuvend pritet të ngrihet komisionin i posaçëm anti-korrupsion, një nismë e kryeministrit Edi Rama.

Komisioni i Posaçëm do të përbëhet nga 11 anëtarë, nga të cilët 6 janë përfaqësues të shumicës parlamentare dhe 5 të opozitës, ndonëse deri më tani, opozita ka deklaruar qëndrimin kundër këtij komisioni.

Sipas projektvendimit, ky komision do të zhvillojë veprimtarinë e tij në një afat kohor 10 mujor. Në rast nevoje, me kërkesë të arsyetuar të komisionit, Kuvendi mund të vendosë zgjatjen e afatit të ushtrimit të veprimtarisë së komisionit.

“Me qëllim ruajtjen konform rregullores të raportit shumicë - pakicë, shfrytëzimin efektiv të përvojës së krijuar qysh në fillesat e Reformës në Drejtësi, si dhe sigurimin e vazhdimësisë së punës e të produkteve të këtij procesi përtej legjislaturës aktuale dhe përgjatë harkut të negociatave me Bashkimin Evropian, komisioni si rregull do të përbëhet nga Kryetarë dhe Zëvendëskryetarë të Komisioneve të Përhershme: për Çështjet Ligjore, Administratën Publike dhe të Drejtat e Njeriut (2) për Ekonominë dhe Financat (2); për Çështjet Evropiane (2); për Edukimin dhe Mjetet e Informimit Publik (2); dhe Këshillit Kombëtar të Integrimit Evropian (2)”, thuhet në projektvendim.

Aktualisht përflitet se deputeti socialist, Fatmir Xhafaj do të jetë në krye të këtij komisioni anti-korrupsion.

Megjithatë, votimi i ngritjes së komisionit anti-korrupsion mund të shtyhet, deri në arritjen e një dakordësie me opozitën.


Në përputhje me standarded JTI

Video

SHIKO KANALIN NE YOUTUBE
×