ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Rritja e çmimeve, Rama: Nafta është shtrenjtuar kudo, rrogat nuk i rrisim dot, ndaj... punë e durim!

3 February 2022, 12:16Politikë SHKRUAR NGA REDAKSIA VOX
Rritja e çmimeve, Rama: Nafta është shtrenjtuar kudo, rrogat
Kryeministri Edi Rama

Teksa çmimi i naftës, benzinës dhe gazit janë rritur sërisht dy ditët e fundit kjo ka sjellë edhe rritjen e pakënaqësisë te banorët ku nëpërmjet komenteve në faqen në Facebook të kryeministrit, ata janë shprehur se duhet të rriten edhe rrogat.

Rama i është përgjigjur një komentuesi në rrjetet sociale, duke thënë se kjo rritje është në të gjithë botën dhe se qeveria shqiptare po bën të pamundurën që kjo të mos reflektohet në rritjen e çmimit të energjisë për familjarët dhe biznesin e vogël.

“Rritja e çmimeve është një problem i përgjithshëm sot, mjafton te shihni Kosovën për të mos shkuar më larg, ndërkohë qe siç kam premtuar ne po mbajmë më shumë kosto për buxhetin, mburojën mbi çmimin e energjisë për konsumatorët familjare e biznesin e vogël, që kudo ka kërcyer e po kërcen lart”, tha Rama.

Ndërkohë në lidhje me rritjen e rrogave, Rama tha se ato nuk mund të rriten sipas dëshirës pasi do të sillte falimentimin si në kohën e Sudes.

“Sa për rrogat ato janë rritur e do vazhdojnë të rriten, por rritja e rrogave nuk behet sipas dëshirës sonë, pasi unë i pari do doja t’i rrisja menjëherë te gjitha, por çdo rritje jashtë mundësive, do te thotë falimentim total ne pak muaj si ne kohen e Sudes, prandaj duhet pune e durim, për t’u ngjitur me këmbë ne toke s’ka asnjë rrugë tjetër te sigurte”, përgjigjet Rama.
Dy ditët e fundit, çmimi i naftës është rritur ndjeshëm, duke shkuar 200 lekë, aq sa nuk e ka asnjë vend tjetër në Europë.

 


Në përputhje me standarded JTI

Video

SHIKO KANALIN NE YOUTUBE
×