KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Politikanë në listën non grata? Ambasada britanike s’e mohon

21 July 2022, 19:44Politikë SHKRUAR NGA REDAKSIA VOX
Politikanë në listën non grata? Ambasada britanike s’e
Ambasada britanike në Tiranë

Britania e Madhe mund të mos i publikojë emrat që ka shpallur non grata nga Shqipëria, por paralajmëron se kjo është vetëm vala e parë e këtyre masave për të goditur personat e përfshirë në krim të organizuar dhe korrupsion.

“Legjislacioni i Britanisë së Madhe nuk lejon të jepen më shumë detaje. Britania nuk synon të marrë masa ndaj një institucioni, grupi apo partie. Janë individë të ndryshëm dhe kjo është “vala” e parë e masave në Shqipëri dhe me gjerë në Ballkan”, citohet Ambasada Britanike në Tiranë në një reagim për televizionin A2.

Ambasada nuk përjashton se ata janë nga të dy krahët e politikës, biznese, media apo fusha tjera.

Më herët, i dërguari i posaçëm Londrës, për Ballkanin Perëndimor, Sir Stuart Peach, theksoi përmes një editoriali se individët shqiptarë të sanksionuar kanë lidhje me krimin dhe korrupsionin, të publikuara gjerësisht dhe të dokumentuara.

“Kjo është vala e parë e një serie veprimesh për të inkurajuar llogaridhënien dhe për t’i dhënë fund pandëshkueshmërisë. Mbretëria e Bashkuar ka një sërë mjetesh të vlefshme për të ndaluar individët që kanë lidhje me krimin dhe korrupsionin, përfshirë emigracionin dhe ndërprerjen e lidhjeve ekonomike. Detajet e këtyre veprimeve nuk mund të bëhen gjithnjë publike”, tha Peach.

Ndonëse mbështet punën e organeve të reja të drejtësisë, autoritetet britanike besojnë se shumë persona të lidhur mes politikës, biznesit dhe aktiviteteve të paligjshme, vijojnë të përfitojnë nga pandëshkueshmëria.

“Siç tregon edhe raporti i OSBE-së për monitorimin ndërkombëtar të zgjedhjeve të vitit të kaluar, blerja e votës dhe keqpërdorimi fondeve publike vazhdon të jetë një problem madhor në politikën shqiptare. Për aq kohë sa politikanët janë në gjendje të bashkëpunojnë me kriminelët për të blerë, shantazhuar dhe kanosur votuesit, demokracia shqiptare do të mbetet e brishtë dhe e paplotë. Tani nevojiten ndryshime të tjera si dhe reforma zgjedhore”, thuhet në editorialin e të dërguarit për Ballkanin Perëndimor.

Britania e Madhe njoftoi nisjen e një aksioni të gjerë në luftën kundër korrupsionit dhe krimit të organizuar, duke ndërmarrë sanksione ndaj 27 personave, mes tyre edhe disa shqiptarë, që kanë të bëjnë me të drejtën e qëndrimit të tyre në këtë vend si dhe lidhjet ekonomike.

 


Në përputhje me standarded JTI

Video

SHIKO KANALIN NE YOUTUBE
×