Lajmi tronditës për ndarjen nga jeta të Gerti Bogdanit, si e mësuan deputetët demokratë!

Është ndërprerë mbledhja për mandatin e deputetit Vullnet Sinaj në mbledhjen e Këshillit të Mandateve dhe Imuniteteve, për shkak të ndarjes nga jeta të ish-deputetit, Gerti Bogdani.

Ndërprerja e mbledhjes u kërkua nga deputeti Gazment Bardhi, ndërsa kryetarja e këshillit, Elisa Spiropali e pranoi pa hezitim kërkesën.

Bardhi: Sapo është konfirmuar Gert Bogdani ka ndërruar jetë dhe ky lajm është tronditës dhe shumë i rëndë në PD dhe në Kuvend. Kërkoj mirëkuptim tuaj për ndërprerjen e mbledhjes.

Spiropali: U prehtë në paqe kolegu ynë Gerti Bogdani. Ngushëllime familjes së tij. Mbledhja ndërpritet dhe do të vijojë në një moment të dytë.