Grupi i PS-së: Arben Ahmetaj do të zëvëndësohet kur t’i mbarojë mandati!

Kryetari i Grupit Parlamentar të Partisë Socialiste, Bledi Çuçi ka mbajtur mbledhjen e parë me deputetët socialistë.

Në këtë mbledhje u diskutua lidhur me çështjet sa i takon rendit të ditës në seancën plenare të ditës së enjte.

Disa prej deputetëve socialistë kanë ngritur problem si çështjen e Kadastrës, investimet në infrastruktura në disa zona si dhe çështja e pensioneve që është shumë e ulët.

Ndërsa, sa i përket çështjes së Arben Ahmetajt i cili ndodhet në arrati për Inceneratorët nuk u mor asnjë vendim lidhur me përjashtimin e tij nga grupi Parlamentar i PS-së.

Sipas deputetëve, Ahmetaj ende nuk është dënuar dhe ai do të zëvëndësohet kur t’i hiqet mandati i deputetit.