ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Kutia sa një valixhe po prodhon oksigjen në Mars

31 August 2022, 23:47Lifestyle SHKRUAR NGA REDAKSIA VOX
Kutia sa një valixhe po prodhon oksigjen në Mars
Kutia

Atmosfera marsiane, siç dihet, nuk është aspak miqësore me tokësorët. Ajo është tepër e hollë, gati 1000 herë më pak intensive se e tokës dhe është e përbërë kryesisht nga dyoksidi i karbonit. Çdo njeri që do tentonte të thithte oksigjen atje, shumë shpejt do mbetej pa frymë.

Por në atë “botë aliene”, planet me pluhur e i thatë, një instrument i vogël, pak a shumë në madhësinë e një valixheje, ka pompuar oksigjen të pastër nga atmosfera marsiane.

Instrumenti quhet MOXIE,(Mars Oxygen In-Situ Resource Utilization (ISRU) Experiment) dhe është vendosur në brendësi të vozitësit të NASA-s Preservance. Ai përdor një proces të quajtur elektrolizë për të ndarë dioksidin e karbonit të Marsit në monoksid karboni dhe oksigjen.

Sipas Science Alert, ky është demonstrimi i parë se si mund të përdoren burimet në atë vend për përdorim nga njerëzit në një tjetër planet, duke u përpjekur për të krijuar një mënyrë se si ajri mund të gjenerohet dhe të përdoret nga njerëzit në një mision në planetin e kuq.

Nga Shkurti 2021, kur Preservance zbarkoi në Mars, e deri në fund të vitit 2021, MOXIE ka lëshuar oksigjen më shumë se shtatë herë dhe sipas studiuesve, do vazhdoj të prodhoj edhe në vijim.

“Ky është demostrimi i parë i përdorimit të burimeve në sipërfaqen e një planeti tjetër dhe transformimin kimik të tyre në diçka që do të jetë e dobishme për një mision njerëzor. Në këtë kuptim është ngjarje hitorike”, është shprehur ish-austronauti i NASA-s Jeffrey Hoffman.

Duke qenë se Marsi ka temperaturë dhe densitet ajri shumë të ndryshueshëm jo vetëm gjatë ditës dhe natës, por edhe sipas ndryshimit të stinëve gjatë gjithë vitit, MOXIE-t i duhet të  punojë në një gamë të gjerë temperaturash dhe densiteti ajri.

MOXI mundi të prodhonte ajër në kushte të ndryshme, ditën natën dhe përgjatë gjithë vitit


Në përputhje me standarded JTI

Video

SHIKO KANALIN NE YOUTUBE
×