KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Ish-bashkëshorti i Amy Winehouse flet për rolin e tij në vdekjen e këngëtares

18 March 2026, 22:44Lifestyle SHKRUAR NGA REDAKSIA VOX
Ish-bashkëshorti i Amy Winehouse flet për rolin e tij në vdekjen
Blake Fielder-Civil

Ish-bashkëshorti i këngëtares së ndjerë Amy Winehouse, Blake Fielder-Civil, ka pranuar publikisht se mban një pjesë të përgjegjësisë për rrugën që çoi në vdekjen e saj, duke theksuar megjithatë se nuk duhet të konsiderohet i vetmi fajtor.

Artistja britanike ndërroi jetë në vitin 2011, në moshën 27-vjeçare, si pasojë e konsumit të tepërt të alkoolit. Në atë kohë, Blake Fielder-Civil ishte kritikuar gjerësisht nga opinioni publik dhe mediat, të cilat e akuzonin se kishte ndikuar në përfshirjen e saj me droga të forta, si heroina dhe kokaina.

Në një intervistë të fundit në podcastin We Need to Talk, ai foli hapur për marrëdhënien e tyre dhe për humbjen e parakohshme të këngëtares.

“E di që shumë njerëz besojnë se vdekja e saj është përgjegjësia ime. Nuk i shmangem përgjegjësisë për atë që kam bërë”, u shpreh ai, duke pranuar se ka luajtur një rol në zhvillimet që çuan në tragjedinë.

Megjithatë, ai theksoi se Amy Winehouse ishte një personalitet i fortë dhe i pavarur, që merrte vendimet e veta.

“Amy kishte vullnetin e saj. Pa mungesë respekti, ajo bënte atë që dëshironte”, shtoi ai.

Blake Fielder-Civil deklaroi gjithashtu se ka arritur një lloj pajtimi me të kaluarën, por këmbënguli se është e padrejtë të konsiderohet si përgjegjësi i vetëm për fundin tragjik të këngëtares.

Marrëdhënia mes tyre kishte tërhequr vëmendje të madhe mediatike dhe konsiderohej një nga kapitujt më të trazuar në jetën e Amy Winehouse. Dyshja u lidh disa vite pas ndarjes së saj nga Tyler James dhe kaloi nëpër ndarje dhe ribashkime të shumta.

Pas një periudhe të shkurtër largimi, gjatë së cilës këngëtarja pati një lidhje me Alex Clare, ajo u rikthye te Blake Fielder-Civil dhe u martua me të në vitin 2007. Megjithatë, martesa e tyre rezultoi problematike, e shoqëruar me varësi nga substancat, skandale publike dhe probleme të shumta shëndetësore.

Situata u përkeqësua me anulime koncertesh dhe shtrime në spital, derisa në vitin 2009, Blake Fielder-Civil paraqiti kërkesë për divorc, duke i dhënë fund përfundimisht marrëdhënies së tyre.


Në përputhje me standarded JTI

Video

SHIKO KANALIN NE YOUTUBE
×