KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Zelensky largon Shefin e Forcave të Armatosura të Ukrainës Valerii Zaluzhnyi

8 February 2024, 17:22Kosova&Bota SHKRUAR NGA REDAKSIA VOX
Zelensky largon Shefin e Forcave të Armatosura të Ukrainës
Presidenti i Ukrainës, Volodomyr Zelensky dhe shefi i FA të Ukrainës, Valerii Zaluzhnyi

Presidenti i Ukrainës, Volodomyr Zelensky ka vendosur të shkarkojë nga detyra Komandantin e Përgjithshëm të Forcave të Armatosura të Ukrainës, Valerii Zaluzhnyi.

Mediat ukrainase raportojnë se në vend të tij është caktuar gjeneral-koloneli Oleksandr Syrskyi, i cili ka shërbyer deri tani si Gjeneral i Forcave Tokësore.

Zaluzhnyi qëndroi në këtë post prej vitit 2021, dhe drejtoi Forcat e Armatosura të Ukrainës në kohën më të vështirë të tyre, gjatë dy viteve të pushtimit rus.

Ai shpesh herë është cilësuar si më popullor se vetë Zelensky, ndërsa marrëdhënia mes tyre duket se u ftoh gjatë muajve të fundit, kur kundërofensiva e forcave ukrainase nuk arriti të jepte rezultatet e pritura.

“U takova me gjeneralin Valerii Zaluzhnyi. E falënderova për dy vitet e mbrojtjes së Ukrainës. Ne diskutuam për rinovimin që kërkojnë Forcat e Armatosura të Ukrainës.

Ne diskutuam gjithashtu se kush mund të jetë pjesë e drejtimit të rinovuar të Forcave të Armatosura të Ukrainës. Koha për një rinovim të tillë është tani. I propozova gjeneralit Zaluzhnyi të mbetej pjesë e ekipit. Do të fitojmë patjetër! Lavdi Ukrainës”, shkruan Zelensku në një postim në rrjetin social “X”.


Në përputhje me standarded JTI

Video

SHIKO KANALIN NE YOUTUBE
×