Shokuese: Disa marokenë shkuan në zonat e prekura nga tërmeti dhe ngacmuan vajzat e mitura

Vajza të mitura janë ngacmuar nga disa marokenë, të cilët kanë shfrytëzuar situatën kaotike të shkaktuar nga tërmeti vdekjeprurrës.

Komiteti Kombëtar për Koordinimin e Masave për Luftimin dhe Parandalimin e Trafikimit të Njerëzve tha se duke monitoruar rrjetet sociale, postimet, fotografitë dhe mesazhet zbuloi se u gjetën përmbajtje ofensive ndaj të miturave që humbën prindërit e tyre nga tërmeti.

Aktivistët në rrjetet sociale gjithashtu denoncuan sjelljen e grupeve të cilët shkuan në fshatrat e prekura për të ofruar ndihmë, por shfrytëzuan rastin për të ngacmuar vajzat e mitura të zonës dhe gjithashtu u propozuan atyre martesën me qëllim “për të fituar favorin e Zotit”.

Siç raportojnë disa media të huaja, janë regjistruar raste kur shtëpitë e fëmijës kanë dhënë ilegalisht fëmijë për adoptim.

Organizatat e shoqërisë civile u vunë menjëherë në lëvizje, duke bërë thirrje për koordinim me autoritetet dhe duke shqyrtuar rastet e fëmijëve jetimë në mënyrë që ata të mbrohen nga rreziqet ndaj të cilave mund të ekspozohen, si rrëmbimi, ngacmimi seksual dhe përdhunimi.

Nga ana e tyre, autoritetet marokene dorëzuan rastet e monitoruara pranë autoriteteve gjyqësore përkatëse dhe gjithashtu vunë në dispozicion të tyre një numër pa pagesë për të raportuar kriminelët dhe viktimat e mundshme të trafikimit të qenieve njerëzore.