KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Shefi i Shtabit të Përgjithshëm i ushtrisë ruse, Valery Gerasimov dyshohet se është vrarë në Krime

5 January 2024, 18:40Kosova&Bota SHKRUAR NGA REDAKSIA VOX
Shefi i Shtabit të Përgjithshëm i ushtrisë ruse, Valery
Valery Gerasimov

Prej disa orësh qarkullojnë zërat se Valery Gerasimov, Shefi i Shtabit të Përgjithshëm të ushtrisë ruse është vrarë në një sulm me raketa në gadishullin e Krimesë.

Sipas informacioneve paraprake, Ukraina lëshoi të paktën 10 raketa "cruise Storm Shadow" ditën e enjte duke goditur një qendër komande në Krime, dhe duke i shkaktuar vdekjen të paktën 25 personave, 10 prej të cilëve forca speciale dhe 5 të tjerë zyrtarë të lartë të ushtrisë ruse.

Një varg i madh ambulancash u pa në vendngjarje, ndërsa guvernatori pro-Putin i Sevastopolit e cilësoi si "sulmin më të rëndë dhe më të madh të kohëve të fundit".

E ndërsa Gerasimov nuk është parë në publik që prej 29 dhjetorit, zërat kanë qarkulluar se ai ka mbetur i vrarë në sulmin me raketa.

Mediat ukrainase kanë raportuar thashethemet, dhe komandanti i forcave ajrore në Kiev, gjenerallejtënant Mykola Oleshchuk thuhet se e vlerësoi "punën e përkryer luftarake" të forcave të tij.

Megjithatë, Ukraina nuk ka bërë asnjë pretendim se 68-vjeçari Gerasimov, i cili është gjithashtu zëvendësministri i parë i mbrojtjes i Putinit, ishte plagosur apo vrarë.

Sulmin e komentoi edhe Nataliya Humenyuk, zëdhënëse e forcave të mbrojtjes jugore të Ukrainës.

"Ne po mbledhim informacionin për të cilin jeni të interesuar aktualisht. Sapo të ketë konfirmimin e duhur, ai do të bëhet publik.Për momentin, ne mund të themi vetëm atë që dihet tashmë - pika e komandës është goditur", tha ajo.

Thashethemet për vdekjen e Gerasimov duket se kanë filluar të qarkullojnë pasi një kanal rus Telegram i quajtur "Tsarizmi i zakonshëm" postoi një raport të pakonfirmuar.

Aty thuhej: "Sipas të dhënave paraprake, Valery Gerasimov, i cili ishte në një post komandimi pranë Sevastopolit në kohën e sulmit, u vra në sulmin në Krime".

Më pas mesazhi u zhduk, ndërsa nuk u dha asnjë provë për vërtetësinë e këtij njoftimi. Kremlini nuk ka komentuar ende në lidhje me spekulimet.


Në përputhje me standarded JTI

Video

SHIKO KANALIN NE YOUTUBE
×