Rusia reagon pas kërcënimit të Donald Trump për vendosje sanksionesh nëse nuk i japin fund luftës në Ukrainë

Zëvendësambasadori i Rusisë në OKB i është përgjigjur kërcënimeve ekonomike të Donald Trump ndaj Moskës.

Dmitry Polyansky tha se Kremlini së pari duhet të shohë se çfarë do të përmbajë propozimi i Trump përpara se të vendosë për të.

"Nuk ka të bëjë vetëm me përfundimin e luftës", tha ai për Reuters. “Është në radhë të parë një çështje e zgjidhjes së shkaqeve të krizës ukrainase”, shtoi ai.

"Ne duhet të shohim se çfarë do të thotë 'marrëveshje' për Donald Trump. Ai nuk është përgjegjës për atë që SHBA ka bërë në Ukrainë që nga viti 2014, duke e bërë atë anti-ruse dhe duke i përgatitur ata për luftë me ne, por tani ai ka një shans për të ndaluar këtë politikë dashakeqe", përfundoi ai

Kujtojmë se Donald Trump kërcënoi Rusinë me vendosjen e taksave dhe tarifave të larta dhe sanksione të ashpra nëse Vladimir Putin nuk pranon të përfundojë shpejt luftën në Ukrainë.