ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Qeveria e Kosovës reagon pasi Kurti ra në “grackën” e komedianëve: Kjo tregon fiksimin e Rusisë me Kosovën

26 March 2025, 17:38Kosova&Bota SHKRUAR NGA REDAKSIA VOX
Qeveria e Kosovës reagon pasi Kurti ra në “grackën” e
Kryeministri i Kosovës, Albin Kurti

Qeveria e Kosovës ka reaguar pasi kryeministri Albin Kurti kishte rënë pre e një telefonate mashtruese nga dy komedianë rusë, ku një prej tyre u shtir si të ishte kryeministri i Letonisë.

Qeveria e Kosovës nuk e mohon vërtetësinë e bisedës, teksa thotë se kjo sipas tyre tregon “fiksimin” që Rusia ka me Kosovën.

Reagimi i plotë:

Deklaratë e Zyrës së Kryeministrit në lidhje me incidentin me telefonatën - prank call

Ngjarja ka ndodhur më 11 shkurt, pak pas zgjedhjeve të 9 shkurtit, në një periudhë kur kryeministri Kurti po pranonte mesazhe të shumta urimi dhe thirrje për rezultatin e zgjedhjeve. Për shkak të kohës, jo gjithmonë ishte e mundur të kryheshin verifikimet e plota të çdo telefonate.

Ky incident fatkeq përforcon atë që kemi e ditur prej kohësh: Rusia është e fiksuar pas Kosovës dhe vazhdon ta ketë cak vendin tonë. Gjatë fushatës zgjedhore për zgjedhjet parlamentare të 9 shkurtit, Sputnik Serbia dhe Russia Today (RT) publikuan mbi 60 lajme të rreme dhe artikuj dezinformues, duke ndërhyrë në procesin tonë demokratik, siç dokumentohet nga Misioni i BE-së për Vëzhgimin e Zgjedhjeve.

Teksa na vjen keq që kryeministri Albin Kurti u bë shënjestër e një thirrje të tillë, ky episod rikonfirmon qëndrimet parimore dhe konsistente të kryeministrit Kurti për çështjet kyçe, si në biseda publike ashtu edhe në ato private.


Në përputhje me standarded JTI

Video

SHIKO KANALIN NE YOUTUBE
×