KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Kundërofensivë ukrainase në Kharkiv, rusët tërhiqen në disa zona

7 May 2022, 19:31Kosova&Bota SHKRUAR NGA REDAKSIA VOX

Kundërofensivë ukrainase në Kharkiv, rusët tërhiqen

Luftimet intensive po zhvillohen në rajonin e Kharkivit në Ukrainë, ndërsa trupat vendase po përpiqen të rimarrin kontrollin e zonës nga rusët. Forcat e armatosura të Ukrainës pretenduan të shtunën se kanë marrë pesë fshatra në veri-lindje të qytetit të dytë më të madh të vendit.

Analistët thonë se operacioni ukrainas deri më tani është një kundërofensivë e suksesshme, që ka zënë në befasi rusët.

Kharkiv ka qenë në qendër të bombardimeve intensive që nga pushtimi i shkurtit. Guvernatori i rajonit të Kharkiv tha të shtunën se trupat ruse vazhdojnë "të qëllojnë mbi civilët". Oleh Synyehubov në Telegram u kujtoi njerëzve që "të mos dalin jashtë pa e pasur të domosdoshme" dhe u tha njerëzve të mos i injoronin sirenat e sulmeve ajrore.

Ekziston shqetësimi se bombardimet ruse mund të intensifikohen në prag të Ditës së Fitores më 9 maj, kur Rusia përkujton fitoren e saj ndaj Gjermanisë naziste në 1945.

Rajoni ka qenë në shënjestër nga forcat ruse që prej 24 shkurtit, kur nisi pushtimi, por një raport nga Instituti i Studimit të Luftës thotë se trupat ukrainase tani "po rimarrin territorin përgjatë një harku të gjerë rreth qytetit".

Instituti shtoi se trupat ukrainase mund të jenë në gjendje të lehtësojnë presionin rus mbi Kharkiv "dhe potencialisht të kërcënojnë të bëjnë përparime të mëtejshme edhe brenda në kufirin rus".

 


Në përputhje me standarded JTI

Video

SHIKO KANALIN NE YOUTUBE
×