ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

KFOR thotë se s’ka prova për kontrabandim armësh nga serbët në Veri të Kosovës

5 July 2023, 19:06Kosova&Bota SHKRUAR NGA REDAKSIA VOX
KFOR thotë se s’ka prova për kontrabandim armësh nga
Armë dhe municione të rënda të sekuestruara në një makinë serbe në Veri të Kosovës

Misioni paqeruajtës i NATO-s në Kosovë, KFOR ka hedhur poshtë mundësinë e kontrabandimit të armëve me ambulanca nga serbët në Veri të Kosovës.

Në një deklaratë për media, KFOR thotë se nuk ka asnjë provë që i mbështet deklaratat e deputetes britanike Alicia Kearns, e cila ishte e para që ngriti shqetësimin për armatimin e ekstremistëve serbë në veri.

“Nuk ka asnjë provë as në lidhje me kontrabandën e supozuar të kryer me autoambulanca përmes vijës kufitare administrative ndërmjet Kosovës dhe Serbisë”, ka deklaruar sot KFOR.

Reagimi i KFOR vjen vetëm një ditë pasi gazeta e huaj “The Geopost”, publikoi videon e një ambulance që dyshohet se i shpërndante armë serbëve në Mitrovicën e Veriut gjatë trazirave.

“Geopost”, e cila është një medie që përqëndrohet në zhvillimet në rajonin e Ballkanit, raportoi dje se kontrabandimin e e ka kryer serbi i arrestuar tashmë nga policia e Kosovës, Milun “Lune” Milenkoviq, drejtues i “Mbrojtja Civile”.

Lidhur me deklaratat e Kearns, KFOR tha se ka të ngjarë që ajo t'i referohej një rasti të vitit 2022 “kur Batalioni Mbretëror Fusilier ishte në veri të Kosovës në mbështetje të misionit të KFOR-it”.

“Prezenca e supozuar e armëve ilegale u raportua në Shtabin e KFOR-it, por pas hetimeve të mëtejshme për konfirmimin e kësaj, nuk ka dalë asnjë provë për atë që është raportuar”, thuhet në komunikatën për media.


Në përputhje me standarded JTI

Video

SHIKO KANALIN NE YOUTUBE
×