KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Donald Trump mund të përballet me Ambasadoren e tij në garën për t’u bërë President

20 July 2022, 17:50Kosova&Bota SHKRUAR NGA REDAKSIA VOX
Donald Trump mund të përballet me Ambasadoren e tij në garën
Ish-Ambasadorja e SHBA në OKB, Nikki Haley

Ish-ambasadorja e SHBA-së në OKB Nikki Haley la të kuptohej se do të bëhej kandidate për zgjedhjet presidenciale të 2024-ës në SHBA, gjatë një fjalimi që mbajti me komunitetin hebre në Uashington.

"Nëse ky president nënshkruan ndonjë lloj marrëveshjeje bërthamore të Iranit, unë do t'ju bëj një premtim: presidentja e ardhshme do ta copëtojë atë në ditën e saj të parë në detyrë. Thjesht duke thënë, ndonjëherë duhet një grua", i tha ajo turmës që e brohoriste.

Nëse do të garonte, ajo duhet së pari të sigurojë besimin e Partisë Republikane. Këtë rrugë pritet që të ndjekë edhe Donald Trump. Të dy mund të përballen në garën brenda partisë për të fituar kandidimin në 2024-n.

“Nëse duket se Irani po arrin në një armë bërthamore, ne duhet të veprojmë dhe duhet të veprojmë me shpejtësi dhe vendosmëri,” tha Haley. “Siguria jonë kombëtare varet nga mbajtja e bombës larg Iranit, dhe nëse Amerika nuk e bën, atëherë Izraeli duhet dhe ne duhet t'i ndihmojmë ata. Së paku, ne duhet t'i japim Izraelit gjithçka që i nevojitet për të mbrojtur veten dhe për të shkatërruar programin bërthamor të Iranit."

Haley kritikoi administratën e presidentit amerikan Joe Biden për përpjekjet për të negociuar me Iranin dhe për të arritur një kompromis me regjimin për programin e tij bërthamor.

“Për shkak të dobësisë së Amerikës, Irani është në pozitën më të fortë që ka qenë ndonjëherë. Të gjithë e dinë se çfarë dëshiron Irani. Ai dëshiron armë bërthamore, dëshiron raketa balistike për t'i mbajtur ato armë bërthamore dhe dëshiron t'i përdorë ato raketa dhe armë bërthamore për të shkatërruar Izraelin dhe Amerikën", tha Haley.


Në përputhje me standarded JTI

Video

SHIKO KANALIN NE YOUTUBE
×