KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Arrihet marrëveshja historike, 30% e oqeaneve shpallen zonë e mbrojtur

5 March 2023, 15:21Kosova&Bota SHKRUAR NGA REDAKSIA VOX
Arrihet marrëveshja historike, 30% e oqeaneve shpallen zonë e mbrojtur
Oqeanet

Përfaqësuesit e vendeve të Kombeve të Bashkuara do të mblidhen sërish dhe shumë punë mbetet për t’u bërë, por dita e shtunë ka përfaqësuar një hap historik për mbrojtjen e oqeaneve dhe shumëllojshmërisë të krijesave që jetojnë aty.

Pas më shumë se 40 vitesh, anëtarët  e Kombeve të Bashkuara kanë dakordësuar në parim Marrëveshjen e Detit të Hapur, që shndërron rreth 30% të sipërfaqes detare të planetit në zonë të mbrojtur brenda vitit 2030, me synim ripërtëritjen e specieve të ndryshme të rrezikuara.

Marrëveshja e fundit për mbrojtjen e oqeaneve ka qenë firmosur në vitin 1982, por mbronte vetëm 1% të sipërfaqes së detit të hapur

Marrëveshja e fundit për mbrojtjen e oqeaneve ka qenë firmosur në vitin 1982, por mbronte vetëm 1% të sipërfaqes së detit të hapur, term që nënkupton sipërfaqen e ujërave ndërkombëtare ku çdo vend ka të drejtën të peshkojë ose të shfrytëzojë resurset nënujore, më së shumti mineralet që ndodhen mbi 200 metra në thellësi, praktikë kjo e përdorur kryesisht nga disa vende ekonomikisht të forta si Kina, India, Rusia, Shtetet e Bashkuar dhe Gjermania.

Interesat ekonomike ishin pengesa më e madhe në raundin e fundit të negociatave që filloi më 20 shkurt. Vendet në zhvillim kërkuan një pjesë më të madhe të fitimeve nga “ekonomia blu” duke përfshirë transferimin e teknologjisë.

Deri në fund, objekt diskutimi ishte marrëveshja për shkëmbimin e përfitimeve nga “burimet gjenetike detare” që përdoren, për shembull, në bioteknologji.

Greenpeace pretendon se 11 milionë kilometra katrorë oqean duhet të mbrohen çdo vit për të arritur objektivin e vitit 2030.

Shumë pak nga deti i hapur është nën asnjë mbrojtje, dhe ndotja, acidifikimi dhe peshkimi i tepërt janë kërcënime në rritje.

“Vendet duhet ta pranojnë zyrtarisht marrëveshjen dhe ta ratifikojnë sa më shpejt që të jetë e mundur në mënyrë që ajo të zbatohet”, tha Laura Meller nga Greenpeace, e cila mori pjesë në bisedime.

Me marrëveshjen e re, do të ketë një kufizim domethënës mbi sasinë e peshkut që mund të mblidhet, por edhe mbi rrugët tregtare të lundrimit, që shkaktojnë ndotje.

Ambientalistët flasin për “një ditë historike, dhe një shenjë që në një botë të ndarë, mbrojtja e natyrës mund të triumfojë ndaj politikës”.


Në përputhje me standarded JTI

Video

SHIKO KANALIN NE YOUTUBE
×