ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Klodiana Spahiu viziton policët e plagosur: Njëri në gjendje të rëndë, 31-vjeçari ka dëmtuar keq sytë dhe i kanë thyer nofullën e hundën

14 October 2026, 21:00Aktualitet SHKRUAR NGA REDAKSIA VOX

Klodiana Spahiu viziton policët e plagosur: Njëri në gjendje

Ministrja e Shëndetësisë, Klodiana Spahiu, ka vizituar efektivët e policisë që mbetën të plagosur gjatë protestës së dhunshme në Tiranë dhe po marrin trajtim në Spitalin Universitar të Traumës.

Përmes një postimi në faqen e saj zyrtare në Facebook, Spahiu bëri të ditur se brenda 30 minutash në spital kishin mbërritur gjashtë efektivë të lënduar, duke e çuar në nëntë numrin e punonjësve të policisë të paraqitur në urgjencë.

Sipas ministres, njëri prej tyre, 31 vjeç, ndodhet në gjendje të rëndë, me dëmtime serioze në sy dhe fraktura të rënda në nofull dhe hundë.

“Jam në Spitalin Universitar të Traumës, ku për 30 minuta kanë mbërritur 6 efektivë policie të lënduar, duke çuar në 9 numrin e tyre në urgjencë.

Një prej tyre, L.D 31 vjeç ka dëmtime serioze në sy dhe fraktura të rënda në nofull dhe hundë.

Dhuna ndaj efektivëve të policisë është e patolerueshme dhe rrezikon seriozisht sigurinë dhe shëndetin e tyre.

Mbështetje dhe mirënjohje për mjekët, infermierët dhe të gjithë stafin shëndetësor, që po kujdesen me profesionalizëm dhe përkushtim për çdo person të lënduar”, shkruhej në facebook-un e Spahiut.


Në përputhje me standarded JTI

Video

SHIKO KANALIN NE YOUTUBE
×